വരുന്നൂ വീണ്ടും ക്വിസ് മത്സരം..!!

മലയാളഗാനശേഖരത്തിൽ ആരംഭിച്ച “നുറുങ്ങുകൾ” എന്ന ആശയം ഒരു പുതിയ വഴിത്തിരിവിലേക്കെത്തുകയാണ്. വിവരശേഖരണത്തിനോടൊപ്പം,അത് കൂടുതൽ സുതാര്യമായി സംഗീത/സിനിമാ സ്നേഹികളുമായി പങ്കു വയ്ക്കുക എന്ന ലക്ഷ്യത്തെ മുൻ‌നിർത്തി വിജ്ഞാനവും വിനോദവും കൈകോർക്കുന്ന ഒരു ക്വിസ് പരമ്പര “MSL-Quiz“ എന്ന പേരിൽ ഇവിടെ ആരംഭിക്കുകയാണ്.ഗാനശേഖരത്തിനു പിന്നിലെ അണിയറപ്രവർത്തകരാണ് ഇത്തരമൊരാശയത്തിന്റെ സാക്ഷാത്ക്കാരത്തിനായി പ്രവർത്തിക്കുന്നത്.ഓരോആഴ്ച്ചയും ഒരോ എപ്പിസോഡുകളും എല്ലാ 10 എപ്പിസോഡുകൾക്ക് ശേഷം സമ്മാനദാനവുമാണ് ഒരോ സീസണിലുമായി നടക്കുവാൻ പോകുന്ന ഈ ക്വിസിന്റെ പ്രത്യേകത.ഇന്റർനെറ്റ് മലയാളത്തിന് ഏറെ അഭിമാനകരവും പുസ്തകപ്രേമികൾക്ക് ഏറെപരിചിതവുമായ ഇന്ദുലേഖ.കോം എന്ന വെബ്ബ് കൂടി ഈ സംരംഭത്തിൽ അണിചേരുന്നു.ബ്ലോഗിൽ മുൻപ് നടത്തപ്പെട്ടിട്ടുള്ള ഗോമ്പറ്റീഷൻ ക്വിസ് മത്സരങ്ങൾ ഇത്തരമൊരു സംരംഭത്തിനു പ്രചോദനമായിട്ടുണ്ട്.

ആദ്യത്തെ പത്ത് എപ്പിസോഡിനു ശേഷം പോയിന്റുകൾ കണക്കാക്കി ഒന്ന്,രണ്ട് സ്ഥാനങ്ങളിൽ എത്തുന്നവർക്ക് സമ്മാനവും നൽകുന്നു.

ഒന്നാം സമ്മാനം : - ഇന്ദുലേഖ.കോമിൽ നിന്ന് 2000 രൂപയുടെ പുസ്തകങ്ങളും ഇന്ദുലേഖയുടെ പന്ത്രണ്ട് വർഷത്തെ ബുക്ക് ക്ലബ് മെമ്പർഷിപ്പും

രണ്ടാം സമ്മാനം :- ഇന്ദുലേഖ.കോമിൽ നിന്ന് 1000 രൂപയുടെ പുസ്തകങ്ങളും ഇന്ദുലേഖയുടെ പന്ത്രണ്ട് വർഷത്തെ ബുക്ക് ക്ലബ് മെമ്പർഷിപ്പും.

ക്വിസ് എപ്പിസോഡുകൾക്ക് പൊതുവിലുള്ള നിർദ്ദേശങ്ങൾ :-
1.‘സംഗീതം/സിനിമ എന്നീ മേഖലകളില്‍ നിന്ന് എല്ലാ ആഴ്ച്ചയും ആകെ പത്തു ചോദ്യങ്ങൾ ഒന്നോ രണ്ടോ എപ്പിസോഡുകളിലായി ഉണ്ടാവും‘.ഓഡിയോ,വീഡിയോ ക്ലിപ്പുകൾ,ചിത്രങ്ങൾ എന്നിവയൊക്കെ ക്വിസിന്റെ ചോദ്യങ്ങളാവാം.
2.ആര്‍ക്കും ഇതില്‍ പങ്കെടുക്കാം. ഉത്തരങ്ങൾ കമന്റുകളായി ഇടണം. പക്ഷെ ഈ ബ്ലോഗില്‍ അനോണിമസ് കമന്റ് ഓപ്‌ഷന്‍ ഇല്ല എന്നറിയുക. കമന്റെഴുതാന്‍ ആവശ്യമായ ഗൂഗിള്‍ അക്കൌണ്ടോ,ഗൂഗിള്‍ അനുവദിച്ചിരിക്കുന്ന മറ്റ് അക്കൌണ്ടുകളോ ഉള്ള ആര്‍ക്കും ഉത്തരം എഴുതാവുന്നതാണ്.
3. ചോദ്യങ്ങൾ ഇട്ടതിനു ശേഷം വരുന്ന ആദ്യത്തെ രണ്ടോ മൂന്നോ ദിവസങ്ങൾക്കുള്ളിൽ ഉത്തരങ്ങൾ നലകണം. ഈ ദിവസപരിധി ചോദ്യങ്ങൾക്കൊപ്പം തന്നെ അറിയിക്കുന്നതാണു്. ഈ നിർദ്ദിഷ്ടദിവസങ്ങളിൽ ഉത്തരങ്ങളടങ്ങിയ കമന്റുകൾക്ക് മോഡറേഷൻ ഉണ്ടായിരിക്കും.
4.മത്സരം തുടങ്ങി മോഡറേഷന്റെ ഒന്നാം ദിവസത്തിനു ശേഷം ആവശ്യമെങ്കിൽ ക്ലൂ (സൂചന) തരുന്നതായിരിക്കും.
5.കമന്റ് മോഡറേഷന്‍ സമയത്ത് ക്ലൂ തരുന്നതിനു മുമ്പ് നൽകുന്ന ശരിയായ ഓരോ ഉത്തരത്തിനും 5 പോയിന്റ് ലഭിക്കും. സൂചന തന്നതിനുശേഷം മോഡറേഷന്‍ അവസാനിക്കുന്നതിനു മുമ്പ് കിട്ടുന്ന ശരിയുത്തരങ്ങൾക്കു് 2 പോയിന്റ് ലഭിക്കുന്നതാണ്. മോഡറേഷന്‍ കഴിഞ്ഞ് ഉത്തരങ്ങളടങ്ങിയ കമന്റുകള്‍ പ്രസിദ്ധപ്പെടുത്തും. ആ സമയത്തും ആരിൽ നിന്നും ശരിയായ ഉത്തരങ്ങൾ കിട്ടിയിട്ടില്ലെങ്കിൽ അതിനുശേഷം ആദ്യം ഉത്തരമെഴുതുന്ന മൂന്നു പേര്‍ക്ക് ഓരോ പോയിന്റ് വീതം ലഭിക്കും. ഇതിനു മോഡെറേഷൻ ഉണ്ടാവില്ല.
6.മോഡറേഷന്‍ സമയത്ത് ക്ലൂവിനു മുമ്പ് ഉത്തരം എഴുതിയവര്‍ക്ക് ക്ലൂ വന്നതിനുശേഷം വേണമെങ്കില്‍ ഉത്തരം മാറ്റിയെഴുതാവുന്നതാണു് - ഉത്തരം ശരിയാണെങ്കിൽ 2 പോയിന്റ് കിട്ടും. എന്നാല്‍ മോഡറേഷന്‍ സമയത്ത് ഉത്തരമെഴുതിയവര്‍ മോഡറേഷന്‍ മാറ്റിയതിനുശേഷം (അതായതു് ഉത്തരം നൽകാനുള്ള സമയപരിധി കഴിഞ്ഞതിനു ശേഷം) ശരിയുത്തരം എഴുതിയാല്‍ പോയിന്റൊന്നും ലഭിക്കുകയില്ല. അതുപോലെ ഒന്നില്‍കൂടുതല്‍ തവണ ഉത്തരം മാറ്റി എഴുതിയാലും പോയിന്റുകള്‍ ലഭിക്കില്ല. അതായതു് ഒരാള്‍ക്ക് ഒരേ ഒരു തവണമാത്രമേ ഉത്തരം മാറ്റിപ്പറയാന്‍ അവകാശമുണ്ടായിരിക്കുകയുള്ളൂ - മോഡറേഷനിലും, അല്ലാതെയും.
7. കമന്റ് മോഡറേഷന്‍ അവസാനിച്ച് ഒരു നിശ്ചിത സമയത്തിനുള്ളിൽ ശരിയുത്തരം പ്രസിദ്ധപ്പെടുത്തും.അതോടൊപ്പം ഗ്ലോബൽ സ്കോർഷീറ്റ് അപ്ഡേറ്റ് ചെയ്യുന്നതുമാണ്.
8. ഫൈനൽ മത്സരത്തിനു സമനില വരികയാണെങ്കിൽ അവരിൽ നിന്നും വിജയിയെ കണ്ടെത്താൻ ഒരു മത്സരവും കൂടി ഉണ്ടായിരിക്കും.
9.മോഡറേഷൻ - വ്യവസ്ഥകൾ എല്ലാ എപ്പിസോഡുകളിലും ഒരേ പോലെയാവണമെന്നില്ല.പൊതുവായ നിർദ്ദേശങ്ങളിൽ മാറ്റമുണ്ടെങ്കിൽ അത് ഒരോ എപ്പിസോഡിനോടൊപ്പവും അവതരിപ്പിക്കുന്നതാണ്.
10.ക്വിസ് മാസ്റ്ററിന്റെ തീരുമാനം അന്തിമമായിരിക്കും.

MSL-Quizന്റെ ആദ്യത്തെ എപ്പിസോഡ് ഈ വരുന്ന ഞായറാഴ്ച്ച(25/10/09) ആരംഭിക്കുകയാണ്.

എപ്പിസോഡ് ക്വിസ് മാസ്റ്റർ : എതിരൻ കതിരവൻ

ആദ്യ എപ്പിസോഡ് ക്വിസ് പാനൽ : വികടശിരോമണി & കിരൺ .

ക്വിസ് ലോഗോ : നന്ദകുമാര്‍

നിബന്ധനകൾ കടപ്പാട് : മല്ലുഗോമ്പറ്റീഷൻ

നിങ്ങൾക്കറിയാമോ ? #1

സംഗീതപ്രേമികൾക്കായി മലയാളഗാനശേഖരം ഒരു പുതിയ പംക്തി കൂടി തുടങ്ങി വയ്ക്കുകയാണ്. ഒരു പക്ഷേ നമ്മൾ അറിഞ്ഞും അറിയാതെയും പോയ ചില രസകരവും വിജ്ഞാനപ്രദവുമായ സംഗീതസംബന്ധിയായ വിവരങ്ങൾ നുറുങ്ങുകളായി ഓരോ ആഴ്ച്ചയും നിങ്ങളുടെ മുന്നിലേക്കെത്തുന്നു. ഇത്തരമൊരു നിർദ്ദേശം മുന്നോട്ട് വച്ച അചിന്ത്യക്ക് അഭിനന്ദനങ്ങൾ. മലയാളഗാന ശേഖരത്തിന്റെ അണിയറയിലെ ഒരു കൂട്ടം സംഗീത പ്രേമികളാണ് ഈ നുറുങ്ങുകൾ നിങ്ങൾക്കായി പങ്കു വയ്ക്കുന്നത്.

അചിന്ത്യ

1. അരവിന്ദന്‍ തന്റെ പോക്കുവെയില്‍ എന്ന ചിത്രത്തിനു പശ്ചാത്തല സംഗീതം ഒരുക്കുകയല്ല ചെയ്തത്. മറിച്ച് ഹരിപ്രസാദ് ചൗരസിയയുടെ ഫ്ലൂട്ടും രാജീവ് താരാനാഥിന്റെ സരോദും ചേര്‍ന്ന മനോഹരമായ സംഗീതം ആദ്യം റെക്കോര്‍ഡ് ചെയ്ത് അതിന്റെ ഗതിവിഗതികള്‍ക്കനിസരിച്ച് ചിത്രത്തിലെ ദൃശ്യങ്ങള്‍ ഒരുക്കുകയായിരുന്നു.പ്രത്യേകിച്ച് സ്ക്രിപ്റ്റൊന്നുമില്ലാതെ സംഗീതം പോകുന്ന വഴിയിലായിരുന്നു പോക്കുവെയിലിന്റെ ചിത്രീകരണവും..!
2. തീസ്രീ മന്‍സില്‍ എന്ന ചിത്രത്തിലെ "ഓ മേരെ സോനാരേ സോനാരേ" എന്ന ആശാ ഭോസ്ലെ ഗാനത്തിലൂടെയാണത്രെ ഇന്‍ഡ്യന്‍ സിനിമാ ചരിത്രത്തില്‍ ആദ്യമായി ആര്‍ ഡീ ബ്ബര്‍മ്മന്‍ ഇലക്റ്റ്രോണിക് ഓര്‍ഗന്‍ പശ്ചാത്തലത്തില്‍ ഉപയോഗിച്ചത്
3. ചെമ്മീന്‍ എന്ന ചിത്രത്തിന്റെ സംഗീതസംവിധാനം നിർവ്വഹിക്കാന്‍ രാമു കാര്യാട്ട് സലില്‍ ചൗധരി എന്ന ബംഗാളി സംഗീതസംവിധായകനെ കേരളത്തിലേക്ക് ക്ഷണിച്ചു . ഇവിടെ വന്ന സലില്‍ ചൗധരി വളരെ പോപ്പുലറായ ഒരു മലയാള ചലച്ചിത്രത്തിലെ ഒട്ടും പ്രശസ്തമല്ലാത്ത ഒരു ഗാനം മൂളിയിട്ട് ഇതിന്റെ സംഗീതകാരന്‍ ആരാണെന്ന് അന്വേഷിക്കുകയുണ്ടായി.രാഘവന്‍ മാസ്റ്ററുടെ സിനിമാരംഗത്തെ ആദ്യകാൽവയ്പ്പായ "കായലരികത്ത്" "എല്ലാരും ചൊല്ലണ്‌", "കുയിലിനെത്തേടി" തുടങ്ങിയ ജനപ്രിയഗാനങ്ങള്‍ നിറഞ്ഞ ചിത്രമായ നീലക്കുയിലിലെ "ജിഞ്ചക്കന്താരോ" എന്ന നാടോടി ഗാനമായിരുന്നു ആസ്സാമിയ-ബംഗാളി നാടോടിഗാനങ്ങള്‍ ഓടക്കുഴലില്‍ വായിച്ചു വളര്‍ന്ന ചൗധരിയെ ആകര്‍ഷിച്ച ആ പാട്ട്.

കതിരവൻ

1. “പാമ്പുകൾക്ക് മാളമുണ്ട്...’ പാട്ടിൽ “ദുസ്വപ്നം കണ്ടുണർന്ന ദുശ്ശകുനം ആണു ഞാൻ” എന്നായിരുന്നു ആദ്യം. കെ. എസ്. ജോർജ്ജ് കുറെ വേദികളിൽ ഇങ്ങനെ പാടുകയും ചെയ്തു. ദുശ്ശകുനം എന്നവാക്കിനു ചേരാനും ദുസ്വപ്നത്തിലെ ദു നീട്ടേണ്ടി വരുന്നതിനാലും പിന്നീട് ദുഃഖഭാരം  (‘ദുഃഖഭാരം ചുമക്കുന്ന’)എന്നാക്കുകയായിരുന്നു. ദുസ്വപ്നം കണ്ടുണർന്നാൽ ദുശ്ശകുനം ആകുമോ എന്ന ചോദ്യവും വന്നിരുന്നു.
   
2. കാട്ടുതുളസിയിലെ “ഗംഗയാറൊഴുകുന്ന നാട്ടിൽ നിന്നൊരു.....(പി. സുശീല) എന്ന പാട്ട് എഴുതിക്കഴിഞ്ഞപ്പോൾ കുഞ്ചാക്കോ (പ്രൊഡ്യൂസർ)യ്ക്കും മറ്റും സംശയമായി. നായകൻ കൽക്കട്ടയിൽ നിന്നാണു വരുന്നതെന്ന് കൊളുന്തു നുള്ളി നടക്കുന്ന നായികയ്ക്ക് അറിയാമോ എന്ന്. അതു മാറ്റണമെന്നായി. വയലാറ് നിർബ്ബന്ധം പിടിച്ചു.

തുടർന്നു വായിക്കുക...!
നുറുങ്ങുകൾ പങ്കു വയ്ക്കാനാഗ്രഹിക്കുന്നവർ ഇവിടെ കമന്റായി രേഖപ്പെടുത്തുകയോ പാട്ടുപുസ്തകം എന്ന ഗൂഗിൾ ഗ്രൂപ്പിൽ അംഗമാവുകയോ ചെയ്യുക.

ആറായിരെത്തിയെഴുനൂറ് പാട്ടുകള്‍‍..!

കഴിഞ്ഞ സെപ്റ്റംബർ അഞ്ചിനാണ് ആയിരം പാട്ടുകൾ മലയാള ഗാനശേഖരത്തിൽ ചേർക്കാൻ കഴിഞ്ഞത്.പത്ത് മാസം കൊണ്ട് ആറായിരം പാട്ടുകൾ യുണീക്കോഡ് മലയാളത്തിൽ ചേർക്കുവാൻ കഴിഞ്ഞിരിക്കുന്നു എന്ന സന്തോഷത്തിനോടൊപ്പം വെബ്ബിന്റെ ചില പ്രത്യേകതകൾ കൂടി പങ്കു വയ്ക്കട്ടെ. മലയാളഗാനശേഖരം ഒരു പുതിയ-തികച്ചും ഒരു പവൾഫുൾ വെബ്ബ് ഇന്റർഫേസിലേക്ക് മാറിയിരിക്കുന്നു.യുണീക്കോഡിന്റെ ഏറ്റവും പുതിയ വേർഷനിലാണ് പാട്ടുകൾ തയ്യാറാക്കിയിരിക്കുന്നത്.

1. ബൈലിംഗ്വൽ ഇന്റഗ്രേഷൻ:-
മലയാള ഗാനശേഖരം ഡേറ്റാബേസിൽ ഒരോ എൻ‌ട്രിയും ഇംഗ്ലീഷിലും മലയാളത്തിലും പ്രത്യക്ഷപ്പെടുകയാണ്. മലയാളസംഗീതം ഇഷ്ടപ്പെടുന്ന എന്നാൽ മലയാളം വായന അസാധ്യമായവർക്കു കൂടിയുള്ള സേവനം എന്ന നിലക്കാണ് എല്ലാ വിവരങ്ങളുടേയും ഇംഗ്ലീഷ് വേർഷൻ കൂടി ലഭ്യമാക്കുന്നത്. മലയാളമോ ഇംഗ്ലീഷോ തെരഞ്ഞെടുക്കന്നതിനനുസരിച്ച് കണ്ടന്റ് മാറുവാൻ തക്കതായ ട്രാൻസ്ലേഷൻ ഒരോ എൻ‌ട്രികൾക്കും തയ്യാറാകുന്നു.

ചിത്രങ്ങളില്‍ ക്ലിക്കി വലുതാക്കിക്കാണുക.

2.അജാക്സ് ഓട്ടോ ഫിൽ :-
പല ഡേറ്റാബേസ് എൻ‌ട്രികളും ഇനി സേർച്ച് ചെയ്യുമ്പോൾ അദ്യത്തെ അക്ഷരങ്ങളോ വാക്കോ ടൈപ്പ് ചെയ്യുമ്പോൾത്തന്നെ ഫലം ലിസ്റ്റ് ചെയ്യുന്ന വിധം ഉപയോക്താക്കൾക്ക് മാത്രമല്ല മോഡറേറ്ററന്മാർക്കും പാട്ട് വെബ്ബിലേക്ക് ചേർക്കുന്നവർക്കും ഒക്കെ സഹായകരമാവുന്നു.പാട്ട് ചേർക്കുമ്പോള്‍ സാധാരണയായി ആർട്ടിസ്റ്റിന്റേയോ ചലച്ചിത്രത്തിന്റെയോ ഒക്കെ പേരുകൾ ടൈപ്പ് ചെയ്യാറുണ്ടായിരുന്നത് ഇപ്പോൾ സെലക്റ്റ് ചെയ്താൽ മാത്രം മതിയാവും.വലിയ ഡേറ്റാബേസിനുണ്ടാവുന്ന ഏറ്റവും വലിയ ഭീഷണിയായ ഡ്യൂപ്ലിക്കേറ്റ് എൻ‌ട്രികൾ 99% കുറക്കാൻ ഇത് സഹായകമാക്കി.സേര്‍ച്ചിങ്ങിനും വളരെ സഹായകരമാവുന്ന തരത്തിലാണ് ഓട്ടോഫില്‍ പ്രവര്‍ത്തിക്കുക.അത് പോലെ തന്നെ മലയാളത്തിലും ഇംഗ്ലീഷിലും ഒരു സേർച്ച് വിൻഡോയിൽ നിന്ന് സേർച്ച് ചെയ്യാൻ പറ്റുന്ന ആദ്യത്തെ മലയാളം വെബ്ബായിരിക്കാം മലയാളഗാനശേഖരം.സാധാരണയായി രണ്ട് ഭാഷക്കും രണ്ട് ഇന്റർഫേസുകളാണു വെബ്ബുകളിൽ കാണപ്പെടുക.താഴെക്കാണുന്ന പ്രകാരം ഒരേ വിന്‍ഡോയില്‍ തന്നെ ഇംഗ്ലീഷും മലയാളവും സേര്‍ച്ച് ചെയ്യുന്നതെങ്ങിനെയെന്ന് നോക്കുക.

ചിത്രങ്ങളില്‍ ക്ലിക്കി വലുതാക്കിക്കാണുക.

3.സേര്‍ച്ചെഞ്ചിനുകളുടെ ഒപ്ടിമൈസേഷന്‍ :-
വെറും പത്തുമാസം പ്രായമുള്ള ശേഖരത്തിന്റെ കണ്ടന്റുകൾ സെർച്ചെഞ്ചിനുകൾ സ്വീകരിച്ച വിധം അദ്ഭുതപ്പെടുത്തി.പി ഭാസ്കരനെന്നോ..വയലാറെന്നോ..ദേവരാജനെന്നോ എന്നൊക്കെയുള്ള ഏറ്റം സാധാരണമായ കീവേർഡുകൾ ടൈപ്പ് ചെയ്ത് സേർച്ചു ചെയ്യൂമ്പോൾ മലയാള ഗാനശേഖരത്തിലെ വിവരങ്ങൾ മിക്കപ്പോഴും വിക്കിപ്പീഡിയയേപ്പോലും പിന്തള്ളി മുന്നിലെത്തുന്ന ഗൂഗിൾ മായാജാലം താഴെക്കാണാം.

ചില ഉദാഹരണങ്ങൾ :-
വയലാർ,
ദേവരാജൻ,
പി ഭാസ്ക്കരൻ,
കെ ജെ യേശുദാസ്,
ഒ എൻ വി
ജി വേണുഗോപാൽ
എം ജി ശ്രീകുമാർ
കെ എസ് ചിത്ര
കൈതപ്രം ദാമോദരൻ നമ്പൂതിരി
ശ്രീകുമാരൻ തമ്പി

കഴിഞ്ഞ അമ്പത് വർഷത്തെ ഏറ്റവും നല്ല പത്ത് പാട്ടുകളുടെ സേർച്ചിന്റെ കൗതുകകരമായ ഫലങ്ങൾ നോക്കുക.ഓരോ ലിങ്കിലും സേർച്ച് റിസൾട്ടുകൾ കാണാം.
താമസമെന്തേ വരുവാൻ
തളിരിട്ട കിനാക്കൾ
മനുഷ്യൻ മതങ്ങളെ
മഞ്ഞണിപ്പൂനിലാവ്
അരികിൽ നീയുണ്ടായിരുന്നെങ്കിൽ
കാറ്റിൽ ഇളം
ഹർഷബാഷ്പം
സന്യാസിനീ
യമുനേ പ്രേമയമുനേ
കാർമുകിൽ‌വർണ്ണന്റെ
യുണീക്കോഡിന്റെ മാറ്റങ്ങൾക്കനുസരിച്ച് പ്രവർത്തിച്ചതിനു ഗൂഗിൾ തന്ന സമ്മാനമായിക്കരുതുകയാണീ നേട്ടങ്ങളെ.

4.വരികൾക്ക് ശബ്ദത്തിന്റെ പിന്തുണ:-
ഗാനശേഖരത്തിന്റെ ആത്യന്തികമായ ലക്ഷ്യം വരികളുടെ ശേഖരമാണെങ്കിലും പൈറസിയുടെ പ്രശ്നങ്ങളില്ലാതെ ഗാനങ്ങൾക്ക് എങ്ങനെ ഒരു ഓഡിയോ റെഫറൻസ് കൊടുക്കാം എന്നത് ഒരു കൂട്ടം ഗായകരുടെ സഹായത്തോടെയാണ് പരിഹരിച്ചത് .ഹിറ്റ് ഗാനങ്ങളെയൊക്കെ അവതരിപ്പിക്കാനായി ഗായകരുടെ ഒരു ക്ലബ്ബ് തന്നെ ഗാനശേഖരം രൂപപ്പെടുത്തുകയാണ്. ഗായക ക്ലബ്ബിൽ നിന്നു തന്നെയുള്ള പല അംഗങ്ങൾക്കും ഈണം പോലെയുള്ള സ്വതന്ത്ര സംഗീത മേഖലയിൽ അവസരവുമൊരുക്കുന്നു.പുതിയ ഒട്ടനേകം ഗായകർ ഗാനശേഖരത്തിലേക്ക് എത്തുന്നുണ്ട്.


5.അണിയറയിൽ :-
ശേഖരത്തിന്റെ അണിയറയിൽ പ്രവർത്തിക്കുന്ന ചില മനുഷ്യയന്ത്രങ്ങളെ ഇവിടെക്കാണാം. ഇത്തരമൊരു ശേഖരം പണിതെടുക്കുന്നതിൽ എന്തെങ്കിലുമൊരു സ്വകാര്യമായ നേട്ടം മുന്നിൽക്കാണാതെ മുന്നിട്ടിറങ്ങിയ ചില ആളുകൾ. ഓരോ മാസത്തിലും പത്ത് ലക്ഷത്തിനടുത്ത് വെബ്ബ് ഹിറ്റുകൾ വരാൻ തക്കവണ്ണം കൃത്യതയോടെ ഡേറ്റാബേസ് തയ്യാ‍റാക്കുന്ന അവരെ പരിചയപ്പെടുക.
ഈ വിവരം ഒരു പക്ഷേ അപൂർണ്ണമാണ്.ഗാനശേഖരത്തിന്റെ പിന്നണിയിലും മുന്നണിയിലുമായി അനേകം സഹായ കരങ്ങളുണ്ട്.എല്ലാവരുടേയും പേരുകൾ ഇവിടെ ഉൾപ്പെടുത്തുവാൻ കഴിയുന്നില്ല.ആശയങ്ങൾക്ക് സാക്ഷാത്ക്കാരം പ്രതീക്ഷിക്കുന്നതിലേറെ ചെയ്ത് കിട്ടുക എന്നത് വളരെ അപൂർവ്വമായി സംഭവിക്കുന്ന ഒന്നാണ്.എന്നാൽ വെബ്ബിന്റെ പിന്നണിയിലൂടെ കെവിൻ അത് തെളിയിച്ചിരിക്കുന്നു.

6.കൂടുതൽ പേരിലേക്കെത്തിക്കുക.
പതിനായിരം പാട്ടുകൾ ലക്ഷ്യമിട്ടാണ് ഈ ശേഖരത്തിന് അടിത്തറ പാകിയത്.എന്നാൽ കഴിയുന്നതും എല്ലാ ഹിറ്റ് ഗാനങ്ങളും ഉൾപ്പെടുത്തി മുന്നേറണം എന്നതാണ് ഇപ്പോഴത്തെ ലക്ഷ്യം. ഈ സംരംഭത്തിൽ പങ്കു ചേരാൻ താല്പര്യമുള്ളവർ ഇവിടെ കോണ്ടാക്റ്റ് ചെയ്യുക.കൂടുതൽ പേരിലേക്ക് ഈ വെബ്ബിനെ എത്തിക്കുവാൻ നിങ്ങളുടെ ബ്ലോഗുകളിലും സൈറ്റിലും താഴെയുള്ള കോഡ് ഒരു വിഡ്ജറ്റ് ആയി ചേർക്കുക.

<a href="http://www.malayalamsongslyrics.com/ml" target="_blank"><img border="0" alt="MSL" width="200" height="100" src="http://malayalamsongslyrics.com/images/Gadget%20NEW.jpg" /></a><br /><br /><br />

ആയിരം പാട്ടുകൾ..!!

MSL യുണീക്കോഡ് മലയാളത്തിൽ ആയിരം പാട്ടുകൾ തികച്ചിരിക്കുന്നു.ഈ സംരംഭത്തിൽ ലാഭേച്ഛയില്ലാതെ പങ്കു ചേർന്നവരുടെ പേരുവിവരങ്ങളും അവർ എഴുതിച്ചേർത്ത പാട്ടുകളുടെ എണ്ണവും താഴെക്കാണാം.

**ചിത്രത്തിൽ ക്ലിക്കിയാൽ വലുതായിക്കാണാം***

ചലച്ചിത്രഗാനങ്ങൾ,ലളിതഗാനങ്ങൾ,ഹിന്ദു ഭക്തിഗാനങ്ങൾ,ക്രിസ്ത്യൻ ഭക്തിഗാനങ്ങൾ,മാപ്പിളപ്പാട്ടുകൾ എന്ന കാറ്റഗറികളിൽ ഇതുവരെ ഉൾപ്പെട്ട പാട്ടുകളുടെ എണ്ണം താഴെക്കാണുന്നു.

**ചിത്രത്തിൽ ക്ലിക്കിയാൽ വലുതായിക്കാണാം***

പതിനായിരം പാട്ടുകളുടെ പൂർണ്ണവിവരങ്ങളും അതിനോടനുബന്ധിച്ച മറ്റ് വിവരങ്ങളും ലക്ഷ്യമിടുന്ന ഈ സംരഭത്തിന്റെ ആദ്യ നേട്ടമായി കണക്കാക്കുന്ന ഈ ആയിരം പാട്ടുകളെ എല്ലാ സംഗീത പ്രേമികൾക്കുമായി പങ്കുവയ്ക്കുന്നു.സംരംഭത്തിൽ പങ്കാളികളായവർക്ക് ഒരിക്കൽ കൂടി നന്ദി..!!

അഭയദേവിന്റെ പാട്ടുകൾ..!

അഭയദേവിന്റെ താഴെപ്പറയുന്ന ചിത്രങ്ങളിലെ പാട്ടുകളുടെ ലിസ്റ്റും വരികളും ഇവിടെ ചേർത്തിരിക്കുന്നു...!

നല്ലതങ്ക-1950
ജ്ഞാനസുന്ദരി-1962
അച്ഛൻ-1950
വെള്ളിനക്ഷത്രം-1949
സ്നേഹസീമ -1954
ചേച്ചി-1950

അഭയദേവിന്റെ കളക്ഷൻ ഏറ്റെടുത്തിരിക്കുന്നത് എതിരനാണ്,ആ സംരംഭത്തിൽ പങ്കു ചേരാൻ ആഗ്രഹമുള്ളവർ അറിയിക്കുക.പാട്ടുകളുടെ വരികൾ മാത്രമല്ല,ഒരോ സംഗീതജ്ഞനേയും പറ്റിയുള്ള കൂടുതൽ വിവരങ്ങളും ഉൾപ്പെടുത്താൻ ഉള്ള സംരംഭമാണിത്.അഭയദേവിനേപ്പറ്റിയുള്ള റിസേർച്ചിനു സഹായകമായ കൂടുതൽ വിവരങ്ങൾ ക്ഷണിക്കുന്നു.

മാമ്പഴം - വൈലോപ്പിള്ളി ശ്രീധരമേനോൻ

സ്കൂളിൽ പഠിക്കുന്ന കാലത്തു അല്പം പദ്യപാരായണം എന്ന കലാപരുപാടി ഉണ്ടായിരുന്നു. അന്നു എറ്റവും പ്രിയപ്പട്ടതും സ്പർശിച്ചതുമായ രണ്ടു കവിതകളാണ് ചന്ദന പമ്പരവും, മാമ്പഴവും. അതിൽ ഇന്നും ഓർമ്മയിൽ തങ്ങിനിൽക്കുന്ന മാമ്പഴം എന്ന വൈലൊപ്പിള്ളി കവിതയുടെ വരികൾ ഇവിടെ ചേർക്കുന്നു. ഏഷ്യനെറ്റിൽ ഈയിടെ ഇതിന്റെ ഒരു ദൃശ്യാവിഷ്കാരം ഒരു വ്യക്തിയുണ്ടാക്കിയതായി വാർത്തയിൽ കാണിച്ചിരുന്നു. അതാണ് ഈ കവിത ഓർക്കാൻ കാരണം. ഓർമ്മയിൽ നിന്നും എഴുതുന്നതാകയാൽ തെറ്റുകൾ ഉണ്ടാവും

അങ്കണ തൈമാവിൽ‌നിന്നാദ്യത്തെ പഴം വീഴ്‌കെ
അമ്മതൻ നേത്രത്തിൽ നിന്നുതിർന്നൂ ചുടുകണ്ണീർ
നാലുമാസത്തിൻ മുൻപിലേറെനാൾ കൊതിച്ചിട്ടീ
ബാലമാകന്ദം പൂവിട്ടുണ്ണികൾ വിരിയവേ
അമ്മതൻ മണിക്കുട്ടൻ പൂത്തിരികത്തിച്ചപോൽ
അമ്മലർച്ചെണ്ടൊന്നൊടിച്ചാഹ്ലാദിച്ചടുത്തെത്തീ
ചൊടിച്ചൂ മാതാവപ്പോൾ ഉണ്ണികൾ വിരിഞ്ഞ‌-
പൂവൊടിച്ചു കളഞ്ഞില്ലെ കുസൃതിക്കുരുന്നേ നീ
മാങ്കനി വീഴുന്നേരം ഓടിച്ചെന്നെടുക്കേണ്ടോൺ
പൂങ്കുല തല്ലുന്നതു തല്ലുകൊള്ളാഞ്ഞിട്ടല്ലേ
പൈതലിൻ ഭാവം മാറി വദനാംബുജം വാടീ
കൈതവം കാണാ‍ക്കണ്ണു കണ്ണുനീർത്തടാകമായ്
മാങ്കനി പെറുക്കുവാൻ ഞാൻ വരുന്നില്ലെന്നവൻ
മാൺപെഴും മലർക്കുലയെറിഞ്ഞു വെറും മണ്ണിൽ
വാക്കുകൾ കൂട്ടിച്ചൊല്ലാൻ വയ്യാത്ത കിടാങ്ങളെ
ദീർഘദർശനം ചെയ്യും ദൈവജ്ഞരല്ലോ നിങ്ങൾ
തുംഗമാം മീനച്ചൂടാൽ തൈമാവിൻ മരതക-
ക്കിങ്ങിണി സൗഗന്ധികം സ്വർണ്ണമായ് തീരും മുൻപേ
മാങ്കനി വീഴാൻ കാത്തു നിൽക്കാതെ മാതാവിന്റെ
പൂങ്കുയിൽ കൂടും വിട്ടു പരലോകത്തെ പൂകി
വാനവർക്കാരോമലായ് പാരിനെക്കുറിച്ചുദാസീനനായ്
ക്രീഡാരസ ലീലനായവൻ വാഴ്‌കെ
അയൽ‌പക്കത്തെ കൊച്ചുകുട്ടികളുത്സാഹത്തോ-
ടവർതൻ മാവിൻ‌ചോട്ടിൽ കളിവീടുണ്ടാക്കുന്നു
പൂവാലനണ്ണാർക്കണ്ണാ മാമ്പഴം തരികെന്നു
പൂവാളും കൊതിയോടെ വിളിച്ചുപാടീടുന്നു
വാസന്തമഹോത്സവമാണവർക്കെന്നാൽ
അവൾക്കാ ഹന്ത! കണ്ണിരിനാൽ അന്ധമാം വർഷക്കാലം
പൂരതോനിസ്തബ്ദയായ് തെല്ലിട നിന്നിട്ടു തൻ
ദുരിത ഫലം പോലുള്ളപ്പഴമെടുത്തവൾ
തന്നുണ്ണിക്കിടാവിന്റെ താരുടൽ മറചെയ്ത
മണ്ണിൽ താൻ നിക്ഷേപിച്ചു മന്ദമായ് ഏവം ചൊന്നാൾ
ഉണ്ണിക്കൈക്കെടുക്കുവാൻ ഉണ്ണിവായ്ക്കുണ്ണാൻ വേണ്ടി
വന്നതാണീ മാമ്പഴം; വാസ്തവമറിയാതെ
പിണങ്ങിപ്പോയീടിലും പിന്നെ ഞാൻ വിളിക്കുമ്പോൾ
കുണുങ്ങിക്കുണുങ്ങി നീ ഉണ്ണുവാൻ വരാറില്ലെ
വരിക കണ്ണാൽ കാണാ‍ൻ വയ്യത്തൊരെൻ കണ്ണനേ
സരസാ നുകർന്നാലും തായ തൻ നൈവേദ്യം നീ
ഒരു തൈകുളിർക്കാറ്റായരികത്തണഞ്ഞപ്പോൾ
അരുമക്കുഞ്ഞിൻ പ്രാണൻ അമ്മയെ ആശ്ലേഷിച്ചു.

തരംഗിണി ക്രിസ്ത്യൻ ഡിവോഷണൽ

എല്ലാവർക്കും സ്വാതന്ത്ര്യദിനാശംസകൾ..!!

മലയാളം പാട്ടുകളുടെ വരികളുടെ ശേഖരത്തിൽ താഴെയുള്ള ആൽബങ്ങൾ ചേർത്തിരിക്കുന്നു.

1.സ്നേഹപ്രതീകം - തരംഗിണി കാസറ്റ്സ്-1983
സംഗീതം : എ ജെ ജോസഫ്
രചന : ഏ ജെ ജോസഫ്
പാടിയത് : യേശുദാസ് കെ ജെ,സുജാത മോഹൻ
വെബ് ലിങ്ക് :- http://www.malayalamsongslyrics.com/mal_lyrics/showsongs.php?id=7365
പാട്ടുകൾ
1.അലകടലും കുളിരലയും
2.ദൈവസ്നേഹം നിറഞ്ഞു നില്‍ക്കും
3.എന്‍ ജീവിതമാം ഈ മരക്കൊമ്പില്‍
4.യഹൂദിയായിലെ ഒരു ഗ്രാമത്തില്‍
5.ഉണരൂ മനസ്സേ..പകരൂ ഗാനാമൃതം
6. യഹോവയാം ദൈവമെന്‍
7.രാത്രി രാത്രി രജത രാത്രി
8.കാവല്‍മാലാഖമാരേ..
-------------------------------------------------------------------------------------
2. സ്നേഹപ്രകാശം-തരംഗിണി കാസറ്റ്സ് 1981
പാടിയത് :- ഡോ.കെ ജെ യേശുദാസ്,ചിത്ര കെ എസ്
സംഗീതം :- ജെർസൻ ആന്റണി
രചന :ഫാ.തദേവൂസ് അരവിന്ദത്ത്
വെബ് ലിങ്ക് :- http://www.malayalamsongslyrics.com/mal_lyrics/showsongs.php?id=7656
പാട്ടുകൾ
1.വാനിൽ സംഗീതം മന്നിതിൽ സന്തോഷം
2.സ്നേഹനാഥാ യേശുവേ
3.രാജാവിൻ സങ്കേതം തേടുന്നു രാജാക്കൾ
4.യേശുവേ നിന്നിലലിയാൻ
5.നന്ദിയേകിടുവാൻ കരുണകളേ
6.കനിവിൻ ഉറവിടമേ
7.സ്നേഹം സകലതും സഹിക്കുന്നു.
8.ശാന്തിയേകിടുവാൻ ജീവജലവുമായ്.
------------------------------------------------------------------------------------------------
3.സ്നേഹപ്രവാഹം - തരംഗിണി കാസറ്റ്സ് 1982
പാടിയത് :- ഡോ.കെ ജെ യേശുദാസ്,ചിത്ര കെ എസ്
സംഗീതം :- ഫാ.ജസ്റ്റിൻ പനക്കൽ
വെബ് ലിങ്ക് : http://www.malayalamsongslyrics.com/mal_lyrics/showsongs.php?id=7262
പാട്ടുകൾ
1. കര്‍ത്താവാം യേശുവേ- സിസ്റ്റര്‍ മേരി ആഗ്നസ്
2. നായക ജീവദായകാ - ജോണ്‍ കൊച്ചുതുണ്ടില്‍
3. യേശുവെന്റെ - ഫാ. മാത്യു മൂത്തേടം
4. പുതിയൊരു പുലരി - സിസ്റ്റര്‍ മേരി ആഗ്നസ്
5. ഈശോയെന്‍ - സിസ്റ്റര്‍ മേരി ആഗ്നസ്
6. ദൈവം പിറക്കുന്നു - ജോസഫ് പറംകുഴി
7. ദൈവം നിരുപമ സ്നെഹം - ജോസഫ് പറംകുഴി
8. സ്നേഹസ്വരൂപ തവ ദര്‍ശനം - ജോണ്‍ കൊച്ചുതുണ്ടില്‍
9. എന്‍‌ ജീവിതമാം - ഫാദര്‍ മാത്യു മൂത്തേടം
10. ജീവിത ഗര്‍ത്തതില്‍ - ഫാദര്‍ ജസ്റ്റിന്‍ പനയ്ക്കല്‍
------------------------------------------------------------------------------------------------
4.സ്നേഹസുധ - തരംഗിണി കാസറ്റ്സ് 1992
പാടിയത് : ഡോ.കെ ജെ യേശുദാസ്,വിജയ് യേശുദാസ്,ജയമ്മ ആന്റണി
സംഗീതം : ജെ എം രാജു
രചന : ഫാ.ജോയ് ആലപ്പാട്ട്
വെബ് ലിങ്ക് : http://www.malayalamsongslyrics.com/mal_lyrics/showsongs.php?id=7673
പാട്ടുകൾ
1.മെറി മെറി മെറി ക്രിസ്ത്മസ്
2.നിൻ സ്വരം തേടീ ഞാൻ വന്നൂ യേശുവേ
3.ദർശനം നൽകണെ മിശിഹായേ.. ( കൊച്ച്കള്ളൻ പവിത്രൻ ഇത് എഴുതി വച്ചിരുന്നു :(
4.കിലുകിലുക്കാം ചെപ്പുകളേ ഓമനക്കുരുന്നുകളേ
5.തുണതേടി അലയുമീ പാപിഞാൻ
6.കാനായിലെ കല്യാണനാളിൽ
7.നന്ദിയോടെ ദേവഗാനം പാടി
8.പുഴകളേ സാദരം മോദമായ്
9.വെൺ‌മേഘം വെളിച്ചം വീശിടുന്നു.
-------------------------------------------------------------------------------------------------
താഴെപ്പറയുന്ന ആൽബങ്ങളുടെ വർഷം,രചയിതാവ്,സംഗീത സംവിധായകൻ,പാട്ടുകാർ എന്ന വിവരങ്ങൾ ക്ഷണിക്കുന്നു.

സ്നേഹദീപിക
സ്നേഹബലി
സ്നേഹരാഗം
സ്നേഹസംഗീതം
സ്നേഹസാന്ത്വനം
യേശു നല്ല ഇടയൻ
വാവായേശുനാഥാ
യേശുവേ ജീവരക്ഷകാ