MSL-ക്വിസ് - എപ്പിസോഡ്#6

ആറാം എപ്പിസോഡ് ഇവിടെ ആരംഭിക്കുകയാണ്. 53 പൂരണങ്ങളുള്ള പദപ്രശ്നമാണ് ഇത്തവണത്തെ ക്വിസ്. പാട്ടുകളുടെ ആദ്യവരിയോ വാക്കുകളോ ആണ് ഉത്തരങ്ങൾ. ഓരോ ഉത്തരത്തിനും 2 മാർക്കു വീതം. ഇവിടെ കൊടുത്തിരിക്കുന്നതല്ലാതെ വേറേ ക്ലു ഇല്ല. അതുകൊണ്ട് ക്വിസ് തീരും വരെ മാർക്കിൽ കുറവുകളൊന്നും ഇല്ല. വെള്ളിയാഴ്ച്ച (25/12/2009) ഇന്ത്യൻ സമയം രാത്രി 9.30 വരെ ഉത്തരങ്ങളെഴുതാം.ഇത്തവണത്തെ എപ്പിസോഡു മുതൽ ചില പ്രത്യേക സമ്മാനങ്ങൾ കൂടെ നിങ്ങളെത്തേടിയെത്തുന്നു.

28-താഴേയ്ക്ക്, 41- മുകളിലേയ്ക്ക്, 23-ഇടത്തോട്ട് എന്നിവയുടെ ഉത്തരങ്ങൾ മുഴുവനും ശരിയാക്കുന്ന, “രണ്ടാമതും“ “നാലാമതും“ “ഏഴാമതും“ ആയി ഇവിടെ ലഭിയ്ക്കുന്ന “ഉത്തരവാദി”കൾക്ക് പ്രത്യേക സമ്മാനം (വിശാലമനസ്കന്റെ കൊടകരപുരാണം റീലോഡഡ്-പുതിയ പുസ്തകം) നൽകപ്പെടുന്നതാണ്.
സംശയങ്ങൾ,നിർദ്ദേശങ്ങൾ പലപ്പോഴും കമന്റ് വഴി ആയിരിക്കാം ദുരീകരിക്കപ്പെടുക എന്നതിനാൽ ക്വിസിൽ പങ്കെടുക്കുന്നവർ കമന്റ് ഫോളോ ചെയ്യുക.

ൽ,ൻ,ർ ഒക്കെ ഓരോ അക്ഷരങ്ങളായി കണക്കാക്കിയിരിക്കുന്നു.അവ മറ്റ് അക്ഷരങ്ങളോട് ചേർന്നുള്ളവ (ർമ്മ,ർത്തി,യിൽ)ഇവിടെ കൊടുത്തിട്ടുണ്ട്.
വലത്തോട്ട്
1.ഒരു ഗാനരചയിതാവിന്റെ ആദ്യത്തെ ഗാനം-8 കോളങ്ങൾ
2.ഓഡിയോ-സൂചന-സാക്ഷാൽ ജോസ്പ്രകാ‍ശ്, യേശുദാസ്, സ്വരം, അണ്ഡകടാഹം…..-6 അക്ഷരം

ഡൗൺലോഡ്
3.നൌഷാദ്, ജയറാം-8 അക്ഷരം
4.ഫ്രാങ്കോ വരും വരുന്നു വന്നു-4 അക്ഷരം
5.നാനാതിരിനാ…എവിടേ…താംതരനന…-5 അക്ഷരം
6.വിപഞ്ചിക പാടും ചിലപ്പോൾ-6 അക്ഷരം
7.ഔസേപ്പച്ചൻ, ബിച്ചു തിരുമല, കാ‍വേരി-7 അക്ഷരം
8.ഈ 4 അക്ഷരം പൂരിപ്പിയ്ക്കുക: - - - -വിട്ടു
9.ഓഡിയോ സൂചന-മാന്മിഴിയുള്ള തത്ത കുളിയ്ക്കാനിറങ്ങുന്നു-7 അക്ഷരം.

ഡൗൺലോഡ്
10.ദാസൻ വിളിയ്ക്കുന്നു-7 അക്ഷരം
11.ബഷീർ, വിജയനിർമ്മല-6 അക്ഷരം
12.മനോയും മറ്റും, മോഹൻലാൽ-6 അക്ഷരം
13.എം. ജി. ശ്രീകുമാറിനു അവാ‍ർഡു കിട്ടി-5 അക്ഷരം
14.കാറ്റ് മുറിയെടുക്കുന്നു- 7 അക്ഷരം
15.‌‌‌‌‌‌‌‌- - -ക്കാറ്റേ-3 അക്ഷരം
16.ഓ - - - - - മന്നാ ഡെ -5 അക്ഷരം
17.ദക്ഷിണ കൊടുക്കാൻ-6 അക്ഷരം
18.അമ്മു-എസ്.ജാനകിപ്പാട്ട് ഗസൽ ആകുന്നു-5 അക്ഷരം

ഇടത്തോട്ട്
19. സപ്ത…… പി. ലീല-4 അക്ഷരം
20. ചിത്രം സൂചന.ശ്യാം, ചിത്ര-5 അക്ഷരം

6.ഓഡിയോ സൂചന-പൂവ്,താലി,ജോൺസൺ, ചിത്ര-4 അക്ഷരം.

ഡൗൺലോഡ്
21.ഓഡിയോ സൂചന-രാത്രി ബൈ ബൈ- യേശുദാസും ചിത്രയും വെവ്വേറെ- .6 അക്ഷരം.

ഡൗൺലോഡ്
16.സിബി മലയിൽ, എം. ജി. ശ്രീകുമാർ Teardrops –6 അക്ഷരം
22.ഗ്രീക് പെങ്കൊച്ച് -6 അക്ഷരം
23.കാമുകനെപ്പോലെ-ജയഭാരതി-പി. സുശീല-9 അക്ഷരം
33.മുടിയിൽ തുളസിക്കതിർ-5 അക്ഷരം

താഴേയ്ക്ക്
1.ആർക്കറിയാം ദൈവമേ -6 അക്ഷരം
24.വിപഞ്ചികേ-ഉത്തം സിങ്-ചിത്ര-6 അക്ഷരം
2.നാ‍ട്ടിൽ സ്വൽ‌പ്പം സ്ഥലമുണ്ട്- 6 അക്ഷരം
25.ഇലയനക്കം-ചിത്ര- 5 കോളങ്ങൾ
26.ഓഡിയോ-സൂചന-അണ്ഡകടാഹത്താമര-ശാന്തി കൃഷ്ണ-നെടുമുടി വേണു-5 അക്ഷരം.

ഡൗൺലോഡ്
27.അമൽ-ശ്രീവത്സൻ മേനോൻ-5 അക്ഷരം
28.താഴെയുള്ള ചിത്രം സൂചന -7 അക്ഷരം

29.നയാഗ്ര-സീമ-എം. എസ്. വിശ്വനാഥൻ-6 അക്ഷരം
30.വൈകുന്നേരത്തെ നക്ഷത്രമേ-5 അക്ഷരം
5.യവനിക-9 അക്ഷരം
31.ഓഡിയോ സൂചന-വിദ്യാധരൻ-യേശുദാസ് –പക്ഷെ രാഗം അറിയാൻ വയ്യ-7 അക്ഷരം.

ഡൗൺലോഡ്
32.എസ്. ജാനകി-സലിൽ ചൌധരി-5 കോളങ്ങൾ
33.കണ്ണെഴുതി-7 അക്ഷരം (6 കോളങ്ങൾ)
34.രാഘവൻ, സുധീർ, ശോഭന-5 അക്ഷരം
35.കണ്ണൂർ രാജ്- യേശുദാസും എസ്. ജാനകിയും പാടുന്നു. പാട്ടിൽ വ്യത്യാസം- 5 അക്ഷരം
8.താഴിട്ടു- - - 3 അക്ഷരം

മുകളിലേയ്ക്ക്

36.തന്നത്താനേ വരയ്ക്ക് ചന്ദ്രീ-4 അക്ഷരം
37.രാഗമായ്- - - - വർണ്ണമായ് (യ്=യി)-4 അക്ഷരം
38.കെ. കെ. മലയാളത്തിൽ ആദ്യം-5 അക്ഷരം
31.പി. സുശീല ആദ്യം- 4 അക്ഷരം
39.താജ്മഹൽ, മധുപാൽ, പ്രിയ രാമൻ- 6 അക്ഷരം
40.ഉത്രാടരാത്രിയിൽ - 7 അക്ഷരം
41.ഓഡിയോ സൂചന-നീതിഷ് ഭരദ്വാജ്-9 അക്ഷരം.

ഡൗൺലോഡ്
34.അച്ചുവേട്ടൻ -7 അക്ഷരം
23.എൽ. ആർ ഈശ്വരി, യേശുദാസ്- 5 അക്ഷരം
42.ചങ്ങമ്പുഴ- 6 അക്ഷരം
43.- - - - - മഞ്ഞൾ മുറിച്ച പോലെ- 5 അക്ഷരം
കോണോടു കോൺ
1മുതൽ 44വരെ -കൈകൊട്ടിക്കളി ഇതാ-7 അക്ഷരം

ഉത്തരങ്ങൾ.

വലത്തോട്ട്
1.ആ മലർപ്പൊയ്കയിൽ
2.നാദബ്രഹ്മത്തിൻ
3.രതിസുഖസാരമായി
4.താളം താളം
5.ചഞ്ചലദ്രുത
6.പാടാത്തവീണയും
7.കണ്ണാംതുമ്പീ പോരാമോ
8.പൂവിട്ടു പൂ (വിട്ടു)
9.പുലയനാർമണി
10.കാട്ടിലെ പാഴ്മുളം
11.അനുരാഗമധു
12.സുരലലനാദ
13.നാദരൂപിണി
14.വാകപ്പൂമരംചൂടും
15.മണിച്ചി (ക്കാറ്റേ)
16.കയ്യോടു കയ്
17.തളിർ വെറ്റില
18.തേടുന്നതാരേ

ഇടത്തോട്ട്
19.സ്വരങ്ങളേ
20.രാപ്പാടിതൻ
6.പാലപ്പൂവേ
21.ഒരു രാത്രികൂടി
16.കണ്ണീർപ്പൂവിന്റെ
22.യവനസുന്ദരീ
23.കാറ്റുവന്നു കള്ളനെപ്പോലെ
33.സുന്ദരീ നിൻ

താഴേയ്ക്ക്
1.ആരറിവൂ നിൻ
24.മതി മൌനം വീണേ
2.നാളികേരത്തിന്റെ
25.ദലമർമ്മരം
26.ബ്രഹ്മകമലം
27.മെയ്മാസമേ
28.കസ്തൂരിത്തൈലമിട്ട്
29.സുരലോകജല
30.സാന്ധ്യതാരകേ
5.ചമ്പകപുഷ്പസുവാസിത
31.പാടുവാനായ് വന്നു
32.നിറുകയിൽ നീ
33.സുറുമയെഴുതിയ
34.ചക്രവർത്തിനീ
35.ഇളം മഞ്ഞിൻ

മുകളിലേയ്ക്ക്
36. സ്വയംവര
37. താളമായി
38. രഹസ്യമായ്
31. പാട്ടുപാടി
39. പോരുനീ വാ‍രിളം
40. ഉത്തരാസ്വയംവരം
41. ദേവീ ആത്മരാഗമായെൻ
34. ചന്ദനം മണക്കുന്ന
23. കാക്കക്കുയിലേ
42. കനകച്ചിലങ്ക
43. വയനാടൻ

കോണോടു കോൺ
1 മുതൽ 44 വരെ ആതിര വരവായി

MSL-ക്വിസ് - എപ്പിസോഡ്#5

പ്രിയരേ.ക്വിസിന്റെ അഞ്ചാം എപ്പിസോഡ് ഇവിടെ ആരംഭിക്കുകയാണ്.വോട്ടുകളുടെ അടിസ്ഥാനത്തിൽ ഇത്തവണ ക്വിസ് കൂടുതൽ ലളിതമാവുന്നു.

മുൻപ് അറിയിച്ചിട്ടുള്ള പൊതുവായ നിർദ്ദേശങ്ങൾക്ക് പുറമേയുള്ള മാർഗ്ഗനിർദ്ദേശങ്ങൾ താഴെപ്പറയുന്നു.
1.ഇന്ത്യൻ സമയമാണ് മത്സരത്തിന്റെ പൊതുവായ ടൈം സോൺ ആയി കണക്കാക്കുന്നത്.
2.സൂചനകൾ ബുധനാഴ്ച്ച(9/12/2009‌) രാത്രി 9.30 മണിക്ക് പ്രത്യക്ഷപ്പെടുന്നതായിരിക്കും.ഈ സമയത്തിനു മുൻപേ ലഭിക്കുന്ന ഉത്തരങ്ങൾക്ക് ഫുൾ മാർക്ക് കണക്കാക്കപ്പെടും.
3.വ്യാഴം(10/12/2009) രാത്രി 9.30 മണി വരെ ഉത്തരങ്ങൾ രേഖപ്പെടുത്താം.9.30 മണിയോടെ കമന്റ് ക്ലോസ് ചെയ്ത് ഉത്തരങ്ങൾ പബ്ലീഷ് ചെയ്യുന്നതാണ്.
4.സൂചനകൾക്ക് മുമ്പ് ഉത്തരങ്ങൾ മാറ്റിയെഴുതുവാൻ പാടുള്ളതല്ല.അതായത് ഉത്തരങ്ങൾ മാറ്റിയെഴുതുവാൻ ഉള്ള ചാൻസ് സൂചനകൾക്ക് ശേഷം മാത്രം.എന്നാൽ ഒന്നോ രണ്ടോ ഉത്തരങ്ങൾ അപ്പപ്പോൾ കമന്റായി ഇടാവുന്നതാണ്.
5.ഉത്തരങ്ങളുമായി ബന്ധപ്പെടുത്താതെ എന്നാൽ ക്വിസിന്റെ സംശയങ്ങളും കമന്റായിത്തന്നെ അറിയിക്കാം.

ചോദ്യങ്ങൾ
1.ചില പാട്ടുകൾ ചിത്രീകരിക്കപ്പെടുന്നത് ഒരു ലൊക്കേഷനിൽത്തനെയാണ്. താഴെപ്പറയുന്ന വാഹനങ്ങളിൽ തന്നെ പാട്ടു മുഴുവൻ ചിത്രീകരിച്ചിട്ടുണ്ട്. ഏതൊക്കെ പാട്ടുകൾ? (5 മാർക്ക്)

a. സൈക്കിൾ
b. വള്ളം
c. കുതിര
d കാർ
e. കാളവണ്ടി

സൂചനകൾ

a.പ്രേംനസീറിന് പുത്രൻ,പോസ്റ്റുമാൻ എന്നീ പേരുകളോടൊക്കെ ബന്ധം

b.വടക്കൻ പാട്ടു സിനിമകൾ

c.നസീർ തന്നെ,ഇത്തവണ ജയഭാരതിയോടാണു ബന്ധം.

d.ഷീല

e.ജയൻ

ഉത്തരങ്ങൾ
സൈക്കിൾ- സ്വർഗ്ഗത്തേക്കാൾ സുന്ദരമാണീ…., ഹിപ്പികളുടെ നഗരം, കാലം കുഞ്ഞു മനസ്സിൽ, ആകാശമേടയ്ക്കു വാതിലുണ്ടോ, എന്റെ വീടിനു ചുമരുകളില്ല, ഖൽബിലൊരൊപ്പനപ്പാട്ടാണോ, ആകാശമേടയ്ക്കു വാതിലുണ്ടോ, ഞാനൊരു പാട്ടുപാടാം, പർവ്വതനന്ദിനി നീ താമസിയ്ക്കും (മോടോർ ബൈക്ക്)

b.വള്ളം- പൂന്തുറയിലരയന്റെ, അഷ്ടമുടിക്കായലിലെ, ഉണരുണരൂ ഉണ്ണിപ്പൂവേ, കുട്ടനാടൻ പുഞ്ചയിലെ, വെണ്ണിലാ ചന്ദനക്കിണ്ണം, ആലപ്പുഴ വാഴും, പാമരം പളുങ്കു കൊണ്ട്, കളകളം കായലോരങ്ങൾ, ആമ്പൽപ്പൂവേ, താമരത്തുമ്പീ വാ, ഇന്ദുപുഷ്പം ചൂടി നിൽക്കും, കാറ്റുമൊഴുക്കും കിഴക്കോട്ട്, പച്ച മലക്കിളിയേ, മുത്തുമണിപ്പളുങ്കു വെള്ളം, അക്കരെയക്കരെയക്കരെയല്ലോ ആയില്യം കാവ്, ആറ്റിന്നക്കരെയക്കരെ ആരാണോ, ചിത്തിരത്തോണിയിലക്കരെപ്പോകാൻ, പുത്തൂരം വീട്ടിലെ (ഉണ്ണിയാർച്ച)
c.കുതിര-പൊന്നിൻ കട്ട ആണെന്നാലും,മാൻ മിഴിയാൽ, പോ കുതിരേ (ഉണ്ണിയാർച്ച),ഊരിയ വാളിതു, മഞ്ഞേ വാ
d.കാർ- പല്ലവി പാടീ, പാലപ്പൂവിൻ പരിമളമേകും, മയിൽപ്പീലി മിഴികളിൽ (ചട്ടമ്പിക്കവല), ഒന്നു ചുമ്മാതിരിയെന്റെ പൊന്നളിയാ (മണവാട്ടി), നീ മായും നിലാവോ, ആച്ചാമരം ചാച്ചാമരം, ഇനിയും പുഴയൊഴുകും, ഗംഗാ യമുനാ സംഗമ സമതല ഭൂമീ
e.കാളവണ്ടി- ആകാശത്തിലെ കുരുവികൾ, കൊമ്പിൽ കിലുക്കും കെട്ടി, മലയാറ്റൂർ മലഞ്ചെരുവിലെ, ഇന്നീ കൊച്ചു വരമ്പിൻ മേലേ, ഒരിയ്ക്കൽ നിറഞ്ഞും, നാടു ചുറ്റി ഓടിവരും വണ്ടീ (പാടാത്ത പൈങ്കിളി) .
വാഹനങ്ങൾ മലയാളസിനിമക്കാർക്ക് പ്രിയങ്കരമാണ്. ഒരു കാലത്ത് എല്ലാ സിനിമകളും തുടങ്ങുന്നത് ഒരു കാറു വരുന്നതു കാണിച്ചിട്ടാണ്. കാളവണ്ടിയിൽ വച്ച് പാട്ടുമുഴവൻ ചിത്രീകരിച്ചത് പാടാത്തപൈങ്കിളിയിൽ തന്നെ ആണെന്നു തോന്നുന്നു. ന്യൂസ് പെപ്പർ ബോയ് ഇൽ എറണാകുളം മുതൽ ആലുവ വരെ ഓടുന്ന തീവണ്ടി ചിത്രീകരിച്ചിട്ടുണ്ടെന്ന് വായിച്ചിട്ടുണ്ട്. സമാന്തരമായി പോകുന്ന വേറൊരു വാഹനം ക്യാമേറ വയ്ക്കാൻ വേണമെന്നുള്ളതുകൊണ്ടായിരിക്കണം വീതി കുറഞ്ഞ റോഡുകളുള്ള നാട്ടിൽ വള്ളത്തിലുള്ള പാട്ടുകൾ ധാരാളം ഇറങ്ങിയത്. വടക്കൻ പാട്ടു സിനിമകളിൽ അലങ്കരിച്ച വള്ളത്തിൽ വച്ചുള്ള പാട്ടുകൾ ധാരാളം. ദേവീ കന്യാകുമാരിയിലെ “കണ്ണാ ആലിലക്കണ്ണാ’ (മാധുരി) വള്ളം തുഴഞ്ഞു വരുന്ന പെണ്ണ് കഥ നിയന്ത്രിക്കുന്നു. “ഉണരുണരൂ ഉണ്ണിപ്പൂവേ” യിൽ അംബിക (സീനിയർ) ഒന്നാന്തരമായിട്ട് വള്ളം തുഴയുന്നുണ്ട്. ലോങ് ഷോട്ടുകളിൽ ഡ്യൂപിനെ ഒന്നും വച്ചിട്ടില്ല. മറ്റൊരു വള്ളമോ ബോട്ടോ കെട്ടിവലിയ്ക്കുന്നതായി തോന്നുന്നുമില്ല. മതു നായികമാർ തുഴ വെറുതേ ഇളക്കുന്നതു കണ്ടാൽ ചിരി വരും. മറ്റു വള്ളം തുഴച്ചിലുകാരിൽ മിടുക്കൻ മമ്മുട്ടി ആണ്. പ്രേംനസീറിനും തുഴ കൈകാര്യം ചെയ്യാനോ അങ്ങനെ തോന്നിപ്പിക്കാനോ വശമുണ്ട്.
ഹിന്ദിയിൽ ഒരു പ്രശസ്ത ഗാനം “സജനുരേ ഛൂഠ് മത് ബോലോ “ രാജ് കപൂർ കാളവണ്ടിക്കാരനായി പാടുന്നു. കൂടെ ഇരിയ്ക്കുന്നത് വഹീദ റഹ്മാൻ.“ആമ്പൽ‌പ്പൂവേ അണിയം പൂവേ..” എന്ന പാട്ടിൽ അലകൾ ഇളകുന്നതുപോലത്ത ഉപകരണസംഗീതം ഉണ്ട്. ബംഗാളി ഗാനങ്ങളിൽ ഇതു ധാരാളമായി കേൾക്കാം. എസ്. ഡി. ബർമ്മന്റെ പാട്ടുകളിൽ പ്രത്യേകിച്ചും.

2.ഈ പാട്ടിന്റെ പല്ലവിയും അനുപല്ലവിയും ആകപ്പാടെ രണ്ടു വാക്കുകൾ (അഞ്ചക്ഷരം) കൊണ്ട് ഉണ്ടാക്കി എടുത്തിരിക്കുന്നു. ഏതു പാട്ട്?(5 മാർക്ക് )

സൂചന : രവീന്ദ്രസംഗീതം

ഉത്തരം : സുഖമോ ദേവീ സുഖമോ ദേവീ
സുഖമോ സുഖമോ സുഖമോ

ഒന്നു രണ്ടു വാ‍ക്കുകളിൽ പല്ലവിയും അനുപല്ലവിയും നിബന്ധിയ്ക്കാൻ രവീന്ദ്രനെ ആരോ വെല്ലു വിളിച്ചെന്നും അങ്ങനെയാണ് ‘സുഖമോ ദേവീ’ പിറവി എടുത്തെന്നും കേട്ടിട്ടുണ്ട്. 

3.“ജാനകീ ജാനേ രാമാ …” ‘ധ്വനി‘ എന്ന സിനിമയ്ക്കു വേണ്ടി യൂസഫ് അലി കേച്ചേരി എഴുതിയ ഈ ഗാനം മുഴുവൻ സംസ്കൃതം ആണ്. മുഴുവൻ സംസ്കൃതമായ, സിനിമയ്ക്കു വേണ്ടി എഴുതപ്പെട്ട വേറേ രണ്ടു ഗാനങ്ങൾ? ( 6 മാർക്ക് )
സൂചന : കേച്ചേരി.
ഉത്തരങ്ങൾ :ഗേയം ഹരി നാമധേയം,കൃഷ്ണകൃപാസാഗരം,മാമവ മാധവ,നന്ദബാലം ഗോപപാലം,സുലളിതപദവിന്യാസം ,നാവാ മുകുന്ദ ഹരേ ,ചഞ്ചല ചഞ്ചല നയനം.
സംസ്കൃതത്തിൽ സിനിമാഗാനങ്ങൾ എഴുതപ്പെടുന്നത് മലയാളത്തിൽ മാത്രമേ ഉള്ളെന്നു തോന്നുന്നു. സംസ്കൃതപദങ്ങൾ ഏറ്റവും കൂടുതലുള്ള ഭാഷ ആയതു കൊണ്ട്. “നാവാ മുകുന്ദ ഹരേ” എന്നു പാടുമ്പോൾ അത് മലയാളമല്ലെന്നു നമ്മൾക്ക് തോന്നാറില്ല.
4. ജോൺസൺ സംഗീതം നൽകിയ രണ്ടു സിനിമകളാണു “ചെപ്പു കിലുക്കണ ചെങ്ങാതി’ യും ‘ഐസ് ക്രീ‘മും. ഇതിൽ ജോൺസൺ നടത്തിയ സംഭാവന എന്ത് (5 മാർക്ക് )
സൂചന :ഗായകർ.
ഉത്തരം : ജോൺസൺ രണ്ടു ഗായകരെ സമ്മാനിച്ചു: രാധിക തിലക്, ശരത്.
5. ആരാണിവർ? ( 5 മാർക്ക് )

സൂചനകൾ

1. ചന്ദ്രികക്കുട്ടി

2. വാര്യരുകുട്ടി

3. ബാല്യകാലം തിരുവനന്തപുരത്ത്

4. കണ്ണുരുട്ടും

5.പാട്ടുപാടും.
ഉത്തരങ്ങൾ :- 1.വിധു ബാല 2. മഞ്ജു വാര്യർ 3. ഹരിഹരൻ 4. കെ. പി. ഉമ്മർ 5. എസ്. ജാനകി.
6. ഒരു മലയാള സിനിമയിൽ ഒരു ഗായകൻ തന്നെ പത്തു പാട്ടുകൾ പാടിയിട്ടുണ്ട്. ഏതു സിനിമ? ഗായകൻ? ( 5 മാർക്ക് )
സൂചന : ശാസ്ത്രീയ സംഗീതം.
ഉത്തരം :- അർജ്ജുൻ കൃഷ്ണ . ചിത്രം: ആനന്ദഭൈരവി (ജയരാജ് സംവിധാനം)
യേശുദാസ്, ചിത്രം: ശ്രീ അയ്യപ്പനും വാവരും (ചിലതൊക്കെ ശ്ലോകങ്ങളുടെ ഭാഗം മാത്രം)
മുഴുവൻ പാട്ടുകളും തനിയേ പാടിയതിനുള്ള ക്രെഡിറ്റ് അർജ്ജുൻ കൃഷ്ണയ്ക്കു തന്നെ. യേശുദാസ് ചില ശ്ലോകങ്ങളൊക്കെ പാടിയാണ് എണ്ണമൊപ്പിക്കുന്നത്. 
7. ശരിയോ തെറ്റോ? എന്തുകൊണ്ട്? (ശരി/തെറ്റ് എന്നുമാത്രമെഴുതിയാൽ ½ മാർക്ക്. കാരണവും ശരിയായി എഴുതിയാൽ ഓരോന്നിനും 2 മാർക്കു വീതം)

A.കെ.എസ്.ചിത്രയ്ക്ക് സിന്ധുഭൈരവി എന്ന സിനിമയിലെ “പാടറിയെ പടിപ്പറിയേ” എന്ന പാട്ടിനു ദേശീയ അവാർഡു ലഭിച്ചു.
B.ലക്ഷ്മി കാന്ത്-പ്യാ‍രേലാൽ മലയാള ഗാനങ്ങൾക്കു സംഗീതം നൽകിയിട്ടുണ്ട്.
C.എ.ആർ.റഹ്മാൻ മുഖർ ശംഖ് (മോർസിങ്) തന്റെ പാട്ടിൽ ഉപയോഗിച്ചിട്ടുണ്ട്.
D.ജയൻ ആദ്യമായി അഭിനയിച്ച സിനിമ “ശാപമോക്ഷം“ ആണ്.
E.ജോൺസൺ ആദ്യം പശ്ചാത്തലസംഗീതം നൽകിയത് “ഇണയെത്തേടി” എന്ന സിനിമയ്ക്കാണ്.

സൂചനകൾ :

A.കണ്ടുപിടിക്കാനുള്ളത്.

B.പൂട്ടിലുണ്ട്,കാട്ടിലില്ല,പാനിയിലുണ്ട്,പാനയിലില്ല….

C.തേക്കടി

D.കല്യാണരാത്രി

E.ഹരിമുരളീരവം

ഉത്തരങ്ങൾ :-
1.തെറ്റ്. “നാനൊരു ചിന്ത് കാവടി ചിന്ത്..” നാണ് ചിത്രയ്ക്ക് അവാർഡ്.
2.ശരി. “പൂനിലാമഴ” എന്നതിലെ ഗാനങ്ങൾക്ക് ലക്ഷ്മികാന്ത്-പ്യാരേലാൽ ആണ് സംഗീതം നൽകിയത്. മറ്റൊക്കെ മൊഴിമാറ്റം ചെയ്തവയാണ്.ലക്ഷ്മീകാന്ത്-പ്യാരേലാലിനു ‘പൂനിലാമഴ’ ഒഴിച്ചുള്ള സിനിമകളിൽ മലയാള ഗാനങ്ങൾക്ക് സംഗീതം കൊടുക്കേണ്ടി വന്നിട്ടില്ല. ഡബ്ബിങ്ങിനു വേണ്ടി എഴുതിയ പാട്ടുകൾ ഒറിജിനൽ ഹിന്ദിപ്പാട്ടുപോലെ പാടിയ്ക്കുകയേ വേണ്ടി വന്നിട്ടുള്ളു.
3.ശരി ”ജിയാ ജലെ…” യിൽ മുഖർ ശംഖ് ഉപയോഗിച്ചിരിയ്ക്കുന്നു.എ. ആർ. രഹ് മാൻ വളരെ പ്രകടമായി മുഖർ ശംഖ് ഉപയോഗിച്ചിരിക്കുന്നത് ‘ജിയാ ജലെ’ ഇൽ തന്നെ. മലയാളവരികളുമുള്ളതിനാൽ ഈ പാട്ടുതന്നെ നമ്മൾ തെരഞ്ഞെടുക്കേണ്ടത്.
4.ശരി. ശാപമോക്ഷത്തിലെ “ആദ്യത്തെരാത്രിയെ വരവേൽക്കാൻ“ എന്ന പാട്ടുസീനിൽ മാത്രം ജയൻ പ്രത്യക്ഷപ്പെട്ടു.
5.തെറ്റ്. ആരവം ആണ് ജോൺസന്റെ ആദ്യത്തെ പശ്ചാത്തലസംഗീത സംരംഭം.
8. ഗായകർക്ക് ഇടവേളകൾ പതിവുണ്ട്. എന്നാൽ നാൽ‌പ്പതു കൊല്ലത്തിനു ശേഷം മലയാളസിനിമയ്ക്കു വേണ്ടി പാ‍ടിയ ഗായകൻ ആര്? ( 5 മാർക്ക് )
സൂചന :സൂര്യനുദിച്ചു.
ഉത്തരം :- ഉദയഭാനു.ഉദയഭാനു നാൽ‌പ്പതു കൊല്ലം മുൻപ് “ഉടലുകളറിയാതുയിരുകൾ രണ്ടും കഥ പറയാൻ പോയി” പാടിയിട്ട് അരങ്ങൊഴിയുകയാണ് ചെയ്തത്. ഈയിടെ തേജ് മെർവിൻ സംഗീതം നൽകിയ “കാറ്റു പറഞ്ഞതു കടലു പറഞ്ഞതും കാലം പറഞ്ഞതും പൊള്ളാണ്’ എന്ന പാട്ട് റെക്കോറ്ഡ് ചെയ്തു, ‘താന്തോന്നി’ എന്ന ചിത്രത്തിനു വേണ്ടി. പഴയ രീതി അനുസരിച്ച് വീട്ടിൽ നിന്നും പാട്ടൊക്കെ പഠിച്ചിട്ടാണ് സ്റ്റുഡിയോയിൽ എത്തിയത്.
9. ചില ഡ്യൂവറ്റുകളിൽ പല്ലവി ഒരെണ്ണം ഗായകനും അതേ പല്ലവി വേറേ വാക്കുകളിൽ ഗായികയും പാടാറുണ്ട്. “കോലക്കുഴൽ വിളി കേട്ടൊ രാധേ എൻ രാധേ” ഗായകൻ പാടുന്നെങ്കിൽ ഗായിക അതേ ട്യൂണിൽ പല്ലവി വേറേ വാക്കുകളിൽ ആവർത്തിയ്ക്കുന്നു: “കണ്ണനെന്നെ വിളിച്ചോ രാവിൽ ഈ രാവിൽ”.ഒരു ലളിത ഉദാഹരണം. ചില പാട്ടുകളിൽ പല്ലവിയും അനുപല്ലവിയും ഗായിക വാക്കുകൾ മാറ്റി ആവർത്തിയ്ക്കുന്നു. ഇങ്ങനെ മൂന്നെണ്ണം എഴുതുക. (6 മാർക്ക് )
സൂചനകൾ :സലിൽ ചൌധരി , …….ഒരു വാക്ക്.
ഉത്തരങ്ങൾ :- കുറുമൊഴിമുല്ലപ്പൂവേ, പെണ്ണിന്റെ ചെഞ്ചുണ്ടിൽ, ലഹരി ലഹരി ലഹരി (ഭാര്യ), ചന്ദനപ്പല്ലക്കിൽ, ചിങ്ങമാസം വന്നുചേർന്നാൽ, ഇഷ്ടമല്ലെടാ എനിയ്ക്കിഷ്ടമല്ലെടാ, ഒരിയ്ക്കൽ നീ പറഞ്ഞൂ (പോസിറ്റീവ്), കാത്തിരിപ്പൂ കണ്മണി, ആദ്യത്തെ കണ്മണി ആണായിരിക്കണം, എന്നും നിന്നെ പൂജിയ്ക്കാം, വണ്ടീ വണ്ടീ, ചോക്കളെറ്റു പോലെയുള്ള, ശിശിരകാലമേഘമിഥുന, വൃന്ദാവനക്കണ്ണാ, പൂവേ പൂവേ പാലപ്പൂവേ, ഒന്നാനാം കുന്നിൻ മേൽ (എയർ ഹോസ്റ്റെസ്), ആരോ പോരുന്നെൻ കൂടെ, സുൽത്താനോ ആരംഭ, ചെമ്പൂവേ പൂവേ,

“കുറുമൊഴിമുല്ലപ്പൂവേ എന്നാത്മാവിലാകെ
വനജ്യോത്സ്ന പോലെ ചിരിയ്ക്കൂ നീ ചിരിയ്ക്കൂ നീ”
എന്ന് ഗായകനും അതേ റ്റ്യൂണിൽ ഗായിക
“മണിമുകിൽ പക്ഷി പാടും മയൂരങ്ങളാടും
മദാലസയാമം തളിർത്തല്ലൊ തളിർത്തല്ലൊ” പാടുന്നു. ഹിന്ദിയിൽ നിന്നും വന്നതാണ് ഈ രീതി. ‘ചന്ദനപ്പല്ലക്കിൽ വീടുകാണാൻ വന്ന’ തന്നെയാണ് “പഞ്ചമി ചന്ദ്രിക പെറ്റു വളർത്തിയ”. ദേവരാജൻ ഇതു പരീക്ഷിച്ചു അധികം താമസിയാതെ.
‘ലഹരി ലഹരി ലഹരി
ലാസ്യലഹരി ലാവണ്യലഹരി
ലഹരി ലഹരി ലഹരി” എന്ന് ഗായകനും
‘പകരൂ പകരൂ പകരൂ
പതഞ്ഞു തുള്ളും പാനപാത്രം
പകരു പകരു പകരു” എന്ന് ഗായികയും.
ചോദ്യം വിഷമം പിടിച്ചതായെന്നു തോന്നിയതിനാൽ ഒരു വരി മാത്രം ആവർത്തിയ്ക്കുന്ന പാട്ടുകളും ലിസ്റ്റിൽ പെടുത്തി.എന്നാൽ “ദ്ദൂരെക്കിഴക്കു ദിക്കിൽ മാണിക്യ ചെമ്പഴുക്കാ” യുടെ ട്യൂൺ അല്ല ‘ഞാനിന്നെടുത്തു വച്ചേ എന്റെ വെറ്റിലത്താമ്പാളത്തിൽ” എന്നതിൽ. “ഇവിടെ കാറ്റിനു സുഗന്ധം” ട്യൂണല്ല “ഇതിലേ പോയതു വസന്തം”

10.ഒരു മലയാളഗാനം തന്നെ പിന്നെയും മറ്റൊരു സിനിമയിൽ എടുത്തുപയോഗിയ്ക്കാറുണ്ട്.. “അല്ലിയാമ്പൽക്കടവിൽ…” “പൂമുഖ വാതിൽക്കൽ…” ഒക്കെ ഈയിടെ നാം കേട്ടവ. ഇങ്ങനെ എടുത്ത വേറേ മൂന്നെണ്ണം എഴുതുക. (ശാസ്ത്രീയ സംഗീതം, അഷ്ടപദി, ഓമനത്തിങ്കൾക്കിടാവോ ഇവയൊഴിച്ച്) (6 മാർക്ക് )
സൂചനകൾ :ദൂരെ ദൂരെ,മോഹൻ ലാൽ പാടി,……
ഉത്തരങ്ങൾ :- അകലെ അകലെ നീലാകാശം, . തീർച്ചയില്ലാ ജനം അരക്കാ പൈസ മാറാൻ (നീലിസാലി-ഉസ്താദ്), കല്യാണപ്രായത്തിൽ,. ഉന്നം മറന്നു.., എകാന്തചന്ദ്രികേ, .ചെട്ടി കുളങ്ങരെ, കുന്നത്തൊരു കാവുണ്ട്,
11.പി. ലീല അവസാനമായി ഏതു സിനിമയ്ക്കു വേണ്ടി പാടി? (5 മാർക്ക് )
സൂചന :മീൻ മീൻ.
ഉത്തരം : തിരകൾക്കപ്പുറം
12.ഒരു പ്രശസ്ത ഗാനരചയിതാവ് സംഗീതം നൽകുന്നു, പക്ഷേ ഗാനങ്ങൾ രചിയ്ക്കാൻ വേറൊരാൾ.. ഏതു സിനിമ? ആരൊക്കെ? (5 മാർക്ക് )
സൂചന :മൂൺലൈറ്റ്.
ഉത്തരം : കൈതപ്രം, ഗിരീഷ് പുത്തൻ ചേരി, കൈക്കുടന്ന നിലാവ്, തീർത്ഥാടനം. കൈതപ്രം, അനിൽ പനച്ചൂരാൻ, സമയം
13.ഈ പാട്ടിൽ വെസ്റ്റേൺ, ഹിന്ദുസ്ഥാനി (മീരാഭജൻ), കർണാടക സംഗീതം, നാടൻ പാട്ട് ഒക്കെ നിബന്ധിച്ചിട്ടുണ്ട്. പാട്ടിന്റെ പകുതി കഴിഞ്ഞ് വരികൾ ചില വ്യത്യസ്ത രാഗങ്ങളിലുമാണ്. ഏതു പാട്ട്?..(5 മാർക്ക് )
സൂചന :എം. ജയചന്ദ്രൻ.
ഉത്തരം : “ചിറ്റാറ്റിൻ കാവിൽ…” ശങ്കരൻ നമ്പൂതിരി, നൈവേദ്യം
14.ഏതു പാട്ടുകളുടെ ബി. ജി. എം ആണിത്?. (5 മാർക്ക് )

a.
ഡൗൺലോഡ്
b.
ഡൗൺലോഡ്
സൂചന : ജോൺസന്റെ പാട്ടുകൾ.
ഉത്തരങ്ങൾ : a. താനേ പൂവിട്ട മോഹം
b.തങ്കത്തോണി പൊന്മലയോരം കണ്ടേ
15. ബോണസ് ചോദ്യം (സൂചനകൾ ഇല്ല )
താഴെക്കാണുന്നവരുടെ ബന്ധുക്കൾ ആൾക്കൂട്ടത്തിൽ പെട്ടിരിക്കയാണ്. രണ്ടാം ചിത്രത്തിൽ അവരെല്ലാം ഉണ്ട്. ഓരോരുത്തർക്കും അവരുടെ ബന്ധുക്കളെ എത്തിച്ചു കൊടുക്കുക. ബന്ധുക്കൾ ആരും മിച്ചം വരാൻ പാടില്ല്ല. അതത് അക്ഷരങ്ങളോട് ചേരുന്ന നമ്പരുകൾ എഴുതിയാൽ മതി.
(ഈ ചോദ്യത്തിനു ശ്രമിക്കുന്നവർക്കുള്ള മുന്നറിയിപ്പ് :- B,J എന്നീ വ്യക്തികളുടെ  ബന്ധുക്കളെ എത്തിച്ചു കൊടുത്തില്ലെങ്കിൽ ഒരോ മൈനസ് മാർക്ക് വീതം)(14 മാർക്ക്)

ചിത്രം -1

ചിത്രം -2

ഉത്തരങ്ങൾ
A -6 ജയറാം- മകൻ കാളിദാസൻ
B-2,8 യേശുദാസ്-അച്ഛൻ അഗസ്റ്റിൻ ജോസെഫ്, മക്കൾ വിനോദ്, വിജയ്, വിശാൽ
C-1 ഔസേപ്പച്ചൻ-മകൻ അരുൺ ഔസേഫ് :ലവകുമാർ c/oലവകുമാർ സിനിമയിൽ അഭിനയിച്ചു.
D-3 സായികുമാർ- ചേച്ചിയുടെ മകൻ വിനു മോഹൻ
E-12 സുകുമാരൻ-മക്കൾ ഇന്ദ്രജിത്ത്, പൃഥ്വിരാജ്
F-4 ജി. വേണുഗോപാൽ- കസിൻ രാധിക തിലക്
G-5 റ്റി. ജി. രവി-മകൻ ശ്രീജിത്ത് രവി
H-7 മോഹൻ ലാൽ-കസിൻ ബി. ഉണ്ണികൃഷ്ണൻ
I-16 കുഞ്ചാക്കോ ബോബൻ-അച്ഛൻ ബോബൻ കുഞ്ചാക്കോ
J-13,14 സന്തോഷ് ശിവൻ-ചേട്ടൻ സഞ്ജീവ് ശിവൻ, അച്ഛൻ ശിവൻ
K-10 സുരേഷ് ഗോപി- അമ്മായിയമ്മ ആറൻ മുള പൊന്നമ്മ
L-11 ഷാജി കൈലാസ്-ഭാര്യ ആനി
M-9 കാവേരി-മുത്തശ്ശി പങ്കജവല്ലി
N-15 ജിക്കി-ഭർത്താവ് എ. എം. രാജാ

MSL-ക്വിസ് - എപ്പിസോഡ്#4

പ്രിയരേ.. ക്വിസിന്റെ നാലാം എപ്പിസോഡ് ഇവിടെ ആരംഭിക്കുകയാണ്.


മുൻപ് അറിയിച്ചിട്ടുള്ള പൊതുവായ നിർദ്ദേശങ്ങൾക്ക് പുറമേയുള്ള മാർഗ്ഗനിർദ്ദേശങ്ങൾ താഴെപ്പറയുന്നു.

1.ഇന്ത്യൻ സമയമാണ് മത്സരത്തിന്റെ പൊതുവായ ടൈം സോൺ ആയി കണക്കാക്കുന്നത്.
2.സൂചനകൾ ബുധൻ(25/11/2009‌) രാത്രി 9.30 മണിക്ക് പ്രത്യക്ഷപ്പെടുന്നതായിരിക്കും.ഈ സമയത്തിനു മുൻപേ ലഭിക്കുന്ന ഉത്തരങ്ങൾക്ക് ഫുൾ മാർക്ക് കണക്കാക്കപ്പെടും.
3.വ്യാഴം(26/11/2009) രാത്രി 9.30 മണി വരെ ഉത്തരങ്ങൾ രേഖപ്പെടുത്താം.9.30 മണിയോടെ കമന്റ് ക്ലോസ് ചെയ്ത് ഉത്തരങ്ങൾ പബ്ലീഷ് ചെയ്യുന്നതാണ്.
4.സൂചനകൾക്ക് മുമ്പ് ഉത്തരങ്ങൾ മാറ്റിയെഴുതുവാൻ പാടുള്ളതല്ല.അതായത് ഉത്തരങ്ങൾ മാറ്റിയെഴുതുവാൻ ഉള്ള ചാൻസ് സൂചനകൾക്ക് ശേഷം മാത്രം.എന്നാൽ ഒന്നോ രണ്ടോ ഉത്തരങ്ങൾ അപ്പപ്പോൾ കമന്റായി ഇടാവുന്നതാണ്.
5.ഉത്തരങ്ങളുമായി നേരിട്ട് ബന്ധപ്പെടുത്താതെയുള്ള ചോദ്യങ്ങളും,ക്വിസിന്റെ സംശയങ്ങളും കമന്റായിത്തന്നെ അറിയിക്കാം.

ചോദ്യങ്ങൾ.

1.ഈ സിനിമയിലെ എല്ലാ പാട്ടും (പെൺപാട്ടുകൾ ഒഴിച്ച്) അഞ്ചെണ്ണം നായകൻ തന്നെ പാടുന്നു (യേശുദാസ്, ജയചന്ദ്രൻ). എതു സിനിമ? ഏതൊക്കെ പാട്ടുകൾ? (5 മാർക്ക് )
സൂചന :- പ്രേംനസീർ തന്നെ നായകൻ. 
ഉത്തരങ്ങൾ :-
1.വിലയ്ക്കു വാങ്ങിയ വീണ
 2.ലങ്കാദഹനം 

വിലയ്ക്കു വാങ്ങിയ വീണയിലെ അഞ്ചു പാട്ടുകൾ (കാട്ടിലെ പാഴ്മുളം, അവൾ ചിരിച്ചാൽ, ദേവഗായകനെ, കളിയും ചിരിയും മാറി, ഇഴനൊന്തു തകർന്നൊരു) നായകൻ പ്രേംനസീർ പാടുന്നു. ലങ്കാദഹനത്തിലെ ആറെണ്ണവും ( തിരുവാഭരണം, സ്വർഗ്ഗനന്ദിനീ, ഈശ്വരനൊരിയ്ക്കൽ, സൂര്യനെന്നൊരു നക്ഷത്രം, നക്ഷത്ര രാജ്യത്തെ, പഞ്ചവടിയീലെ). ഒരു സിനിമയിലെ തന്നെ പ്രസിദ്ധവും ഹിറ്റ് ആയവയുമായ പാട്ടുകൾ ഏറ്റവും അവതരിപ്പിച്ചിട്ടുള്ളത് നസീർ തന്നെ. മാറ്റാൻ പറ്റാത്ത ചരിത്രം. കൂടാതെ റെസ്റ്റ് ഹൌസിലെ നാലുപാട്ടുകൾ (പാടാത്ത വീണയും പാടും, പൌർണ്ണമിച്ചന്ദ്രിക, മുത്തിനും മുത്തായ, വിളക്കെവിടെ എന്നിവ). ‘യമുനേ യദുകുല രതിദേവനെവിടെ” യും ‘മാനക്കേടായല്ലൊ’ യും തന്നെയല്ല പാടുന്നത് എന്നേയുള്ളു. രാജഹംസത്തിലെ പല പാട്ടുകളും നായകൻ പ്രേംനസീർ തന്നെ പാടുന്നുണ്ടെങ്കിലും “പച്ചിലയും കത്രികയും പോലെ” രാഘവൻ ആണ് പാടുന്നത്.

2.ഈ സിനിമയിലെ നായകനു വേണ്ടി നാലു പാട്ടുകൾ പാടുന്നത് നാലു വ്യത്യസ്ഥ ഗായകരാണ്.ഏതു സിനിമ?(5 മാർക്ക്)
സൂചന :-വിദ്യാസാഗറും  സിൽവർ സ്ക്രീനും
ഉത്തരങ്ങൾ :-
1.മീശമാധവൻ, 
2.വെള്ളീത്തിര   ,
3.രസികൻ  
4.സത്യം ശിവം സുന്ദരം

മീശമാധവൻ, രസികൻ, സത്യം ശിവം സുന്ദരം എന്നീ ചിത്രങ്ങളിൽ വിദ്യാസാഗർ വലിയ ഒരു ഗായകനിരയെ ആണ് നായകനു വേണ്ടി പാടാൻ കൊണ്ടു വന്നത്. വിധു പ്രതാപ്, ബിജു നാരായണൻ, ദേവാനന്ദ്, കാർത്തിക്, ദിനേശ്, മുരളീകൃഷ്ണൻ, മനോ, ശങ്കർ മഹാദേവൻ, ഹരിഹരൻ ഇവരെയൊക്കെ നിരത്തി. ‘വെള്ളിത്തിര‘യിൽ അൽഫോൺസും നാലു വ്യത്യസ്തഗായകരെക്കൊണ്ടു പാടിച്ചു പൃഥ്വിരാജിനു വേണ്ടി.

3.തിത്തിത്തെയ്
തികിതത്തെയ്
തിത്തെയ് തികിതെയ് തിതെയ്ത്ത തികിതത്തെയ്
കേരളത്തിന്റെ തനതായ ‘ലക്ഷ്മി’ താളത്തിന്റെ വായ്ത്താരി ആണിത്. ഈ താളത്തിലുള്ള ഒരു മലയാള സിനിമാഗാനം ഉണ്ട്. എതാണത് ? (5 മാർക്ക്)
സൂചന :-നെടുമുടി വേണു രംഗത്ത്. നാടൻ പാട്ട്.
ഉത്തരങ്ങൾ :-
1.മുക്കുറ്റി തിരുതാളി കാടും പടലും പറിച്ചുകെട്ടിത്താ
2.അൻപത്തൊൻപതു പെൺ പക്ഷി (ആലോലം)
ലക്ഷ്മി താളം കേരളത്തിന്റേതു മാത്രമാണ്. കുഞ്ചൻ നമ്പ്യാർ ധാരാളം ഉപയോഗിച്ചിട്ടുണ്ട്. ‘മുക്കുറ്റി തിരുതാളി’ ഈ താളത്തിന്റെ സവിശേഷതകൾ വിശദമാക്കുന്നുണ്ട്. ‘ആലോല’ത്തിലെ അൻപത്തൊൻപതു പെൺപക്ഷി’യും ഈ താളത്തിന്റെ പ്രയോഗമാണ്. 

4.ഈ പാട്ട് ഒരു കഥ പറച്ചിലാണ്. സംഭവങ്ങൾ ഗായകനും ഗായികയും ഒന്നിടവിട്ട് പാടി അവതരിപ്പിക്കുന്നു. ഇടക്ക് പല്ലവി ആവർത്തിക്കുന്നില്ല, ഏറ്റവും അവസാനമൊഴിച്ച്. ഏതു പാട്ട്?(5 മാർക്ക്)
സൂചന :-യേശുദാസും എസ്. ജാനകിയും 
ഉത്തരങ്ങൾ :-
1.വൈക്കത്തഷ്ടമി നാളിൽ ഞാനൊരു (ഭാര്യമാർ സൂക്ഷിയ്ക്കുക)
2.പഞ്ചവർണ്ണപ്പൈങ്കിളികൾ ഭജന പാടിയ (കാക്കത്തമ്പുരാട്ടി) 
3.പ്രഭാത ഗോപുര വാതിൽ തുറന്നു (തുലാഭാരം) 
ഒരു പാട്ടിലെ പല്ലവി ആവർത്തിച്ചുറപ്പിക്കുന്നത് പോപ്പുലാരിറ്റിക്ക് അത്യന്താപേക്ഷിതമാണ്. പക്ഷേ പാട്ടിലൂടെ ഒരു കഥ പറയുമ്പോൾ ഈ പല്ലവി ആവർത്തനം യുക്തിസഹമല്ല. കഥയുടെ ആദ്യഭാഗം പിന്നെയും ആവർത്തിക്കുന്നത് അനാവശ്യമാണല്ലൊ.പക്ഷെ പതിവു ശീലങ്ങൾ മാറ്റാനും ശാസ്ത്രീയസംഗീതവഴിയിൽ വിട്ടുമാറി നടക്കാനും മടി കാട്ടാറാണ് പല സംഗീതകാരൻമാരും.ഇങ്ങനെയല്ലാതെ ദക്ഷിണാമൂർത്തി ഹിറ്റ് ആക്കിയ പാട്ടാണ് :വൈക്കത്തഷ്ടമി നാളിൽ...”. പല്ലവി തന്നെ വാക്കുകൾ മാറ്റി ജാനകി പാടിക്കഴിഞ്ഞിട്ടു മാത്രമേ ‘വൈക്കത്തഷ്ടമി’ എന്ന് ആവർത്തിയ്ക്കുന്നുള്ളു. ചരണങ്ങൾക്കിടയ്ക്ക് ഇതു വരുന്നില്ല. ഇത്രയും പോപ്പുലർ അല്ലെങ്കിലും ‘പഞ്ചവർണ്ണപ്പൈങ്കിളികൾ ഭജന പാടിയ...”
,‘പ്രഭാതഗോപുര വാതിൽ..” എന്നുള്ള പാട്ടുകൾ പല്ലവിയുടെ ആവർത്തനമില്ലാതെ ഗായകനും ഗായികയും മാറി മാറി പാടിത്തീർക്കുന്നു. “തന്നന്നം താനന്നം...”(യാത്ര), “ആറ്റും മണമ്മേലേ...” എന്ന പാട്ടുകൾ ചരണങ്ങൾക്കിടയ്ക്ക് പല്ലവി ആവർത്തിയ്ക്കുന്നുണ്ട്. ‘ആറ്റും മണമ്മേലേ’യിൽ ബ്രഹ്മാനന്ദനും മാധുരിയും ചില ഭാഗങ്ങൾ ഒന്നിച്ചാണു പാടുന്നത്. “ഒരു മലയിൽ... (ഇണ) ഇൽ എസ്. ജാനകി കഥ പൂർത്തിയാക്കാൻ പാടുന്നില്ല.


5.ഓർക്കസ്ട്രേഷൻ മനസിലാക്കി ഏതൊക്കെ പാട്ടുകളാണെന്ന് കണ്ടു പിടിക്കുക.(10 മാർക്ക്)

a.
ഡൗൺലോഡ് ഇവിടെ ചെയ്യാം.
സൂചന :- പുതിയ പാട്ട്. പഴയ പാട്ടുപോലെ തോന്നും. റിയാലിറ്റി ഷോയിലെ കുട്ടി.
ഉത്തരം:-അണ്ണാറക്കണ്ണാ വാ പൂവാലാ – ചിത്രം: ഭ്രമരം, സംഗീതം: മോഹൻ സിതരാ പാടിയത്: പൂർണ്ണശ്രീ, വിജയ് യേശുദാസ്
നീലക്കുയിലിലെ “കുയിലിനെത്തേടി” യുമായി സാദൃശ്യമുണ്ട് “അണ്ണാറക്കണ്ണാ വാ” യ്ക്ക്. ഓർക്കെസ്ട്രേഷനും അതുപോലെ പിൻ തുടരുന്നുണ്ടെങ്കിലും പുതുമയുണ്ട്. നാടൻ പാട്ടിന്റെ ഫീൽ ഇങ്ങനെ നിലനിർത്തിയിരിക്കുന്നു. പൂർണ്ണശ്രീയെ റിയാലിറ്റി ഷോയിൽ നിന്നും മോഹൻ സിതാര കണ്ടു പിടിച്ചതാണ്. 
b.
ഡൗൺലോഡ് ഇവിടെ ചെയ്യാം.
സൂചന :- റീമേയ്ക്ക് സിനിമ.
ഉത്തരം :-അനുരാഗവിലോചനനായി അതിലേറേ മോഹിതനായി- ചിത്രം: നീലത്താമര, സംഗീതം: വിദ്യാസാഗർ, പാടിയത്: വി ശ്രീകുമാർ, ശ്രേയ ഘോഷൽ
“അനുരാഗവിലോചനനായി...” എന്ന പാട്ടിൽ വിദ്യാസാഗർ ഫോക് സ്പർശമുള്ള ഓർക്കെസ്ട്രേഷൻ ഉപയോഗിച്ചിരിയ്ക്കുന്നു. സംഘഗാനങ്ങളിലെപ്പോലെ കൈകൊട്ടു കൊണ്ടുള്ള താളവിന്യാസങ്ങളുമുണ്ട്.ഓർക്കെസ്ട്രേഷനു അതിന്റേതായ ഒരു മെലഡിയും ശ്രദ്ധിയ്ക്കാം. കോലാഹലങ്ങൾ ഒഴിവാക്കിയിരിക്കുന്നു എന്നതും പ്രത്യേകതയാണ്.  

6.ഇവർ ഏതൊക്കെ പാട്ടുകാരികൾ (നമ്പർ അനുസരിച്ച് ഉത്തരമെഴുതുക)(ഒരോ ശരിയുത്തരത്തിനും 2 മാർക്ക് വീതം ആകെ 12 മാർക്ക്)

സൂചനകൾ :-
1. നാടൻ ഭാഷ
2. സീതാവല്ലഭ രാമാ
3. അഴക് ഏതിന്
4. ആദ്യം പാടുന്നതാരാ
5. വെസ്റ്റേൺ പാടും
6. ഭാഷാവൃത്തം
ഉത്തരങ്ങൾ 
1.റിമി ടോമി
2. ഗായത്രി
3. ജ്യോത്സ്ന
4. ആശാ ജി. മേനോൻ
5. സയനോര
6. മഞ്ജരി ബാബു

7. പദപ്രശ്നം. പാട്ടുകളുടെ ആദ്യവാക്കോ പല്ലവിയോ. ഓരോന്നിനും ഓരോ മാർക്ക്.

സൂചനകൾ ഒരോന്നിനും നൽകിയിട്ടുണ്ട്.ഇതിൻ പ്രകാരം പദപ്രശ്നം പൂരിപ്പിക്കുക.ഒരോന്നിനും 1 മാർക്ക് വീതം (ആകെ 20 മാർക്ക് )
1.വലത്തോട്ട് 5 അക്ഷരം - എസ്. ജാനകി, സലിൽ ചൌധരി
2.മുകളിലേയ്ക്ക് 4 അക്ഷരം - ജെറി അമൽദേവ്
3.താഴേയ്ക്ക് 6 അക്ഷരം - തേൻ
4.മുകളിലേയ്ക്ക് 6 അക്ഷരം - മോഹൻലാൽ
5.താഴേയ്ക്ക് 10 അക്ഷരം - കവിയൂർ പൊന്നമ്മ
6.വലത്തേയ്ക്ക് 6 അക്ഷരം - മീൻ പിടിയ്ക്കാൻ
7.ഇടത്തേയ്ക്ക് 8 അക്ഷരം - കാ‍മനും പിടിയില്ല
8.വലത്തേയ്ക്ക് 5 അക്ഷരം - താരാട്ട്
9.വലത്തേയ്ക്ക് 7 അക്ഷരം - സരസ്വതി
10.താഴേയ്ക്ക് 7 അക്ഷരം - കിളി പാടിയോ
11.ഇടത്തേയ്ക്ക് 6 അക്ഷരം - തപസ്സിരുന്നവൾ
12.മുകളിലെയ്ക്ക് 6 അക്ഷരം - പാർവ്വതി-ജോൺസൺ
13.വലത്തേയ്ക്ക് 4 അക്ഷരം -വേറേ കല്യാണം കഴിച്ച് പെണ്ണു പോയി
14.മുകളിലേയ്ക്ക് 9 അക്ഷരം - ചിരിയ്ക്കാറില്ല
1.താഴേയ്ക്ക് 4 അക്ഷരം - അഷ്ടപദി
15.താഴേയ്ക്ക് 8 അക്ഷരം - സ്വർണ്ണം കൊണ്ട്
16.വലത്തേയ്ക്ക് 6 അക്ഷരം - ശാരദയാമിനി
17.വലത്തേയ്ക്ക് 5 അക്ഷരം - റഹ് മാൻ/എസ്. ജാനകി
18.വലത്തേയ്ക്ക് 4 അക്ഷരം - സെൽമ ജോർജ്ജ്
19.ഇടത്തേയ്ക്ക് 4 അക്ഷരം - പി. ലീല/സലിൽ ചൌധരി

ഉത്തരം 

1. വലത്തോട്ട്  5 അക്ഷരം  യാമിനീ ദേവീ

2. മുകളിലേയ്ക്ക് 4 അക്ഷരം  മിഴിയോരം

3. താഴേയ്ക്ക്  6 അക്ഷരം    നീ മധു പകരൂ

4. മുകളിലേയ്ക്ക് 6 അക്ഷരം     ദേവസഭാതലം

5. താഴേയ്ക്ക് 10 അക്ഷരം     വീടിനു പൊൻ മണി വിളക്കു നീ

6. വലത്തേയ്ക്ക്  6 അക്ഷരം     തളിർ വലയോ

7.  ഇടത്തേയ്ക്ക്  8 അക്ഷരം      മലരമ്പനറിഞ്ഞില്ല

8. വലത്തേയ്ക്ക്  5 അക്ഷരം          കൺ മണിയേ

9. വലത്തേയ്ക്ക്  7 അക്ഷരം          സ്വരരാഗരൂപിണി

10. താഴേയ്ക്ക്  7 അക്ഷരം          അരയരയരയോ

11. ഇടത്തേയ്ക്ക്  6 അക്ഷരം          യവനസുന്ദരീ

12. മുകളിലെയ്ക്ക്  6 അക്ഷരം       നന്ദസുതാവര

13. വലത്തേയ്ക്ക്   4 അക്ഷരം       സുമംഗലീ 

14. മുകളിലേയ്ക്ക് 5 അക്ഷരം         കാട്ടുകുറിഞ്ഞിപ്പൂവും ചൂടി

1. താഴേയ്ക്ക്  4 അക്ഷരം                യാരമിതാ

15.  താഴേയ്ക്ക്  8 അക്ഷരം            പവനരച്ചെഴുതുന്നു

16. വലത്തേയ്ക്ക് 6 അക്ഷരം          കളഭം ചാർത്തിയ

17. വലത്തേയ്ക്ക് 5 അക്ഷരം         ആടിവാ കാറ്റേ  
18.  വലത്തേയ്ക്ക്  4 അക്ഷരം       ശരദിന്ദു 
19. ഇടത്തേയ്ക്ക് 4 അക്ഷരം         പഞ്ചമിയോ   

രാഗമാലിക - സംഗീത പരിചയം

സംഗീതത്തെ അടുത്തറിയാൻ ആഗ്രഹിക്കുന്നവർക്ക് ഏറെ സഹായകരമാവുന്ന ലേഖനങ്ങളും ഓഡിയോ പാഠങ്ങളുമൊക്കെയാണ് രാഗമാലികയിലൂടെ അവതരിപ്പിക്കുന്നത്.വെബ്ബുകളിൽ സാധാരണ കാണപ്പെടുന്ന ആർട്ടിക്കിളുകളുടെ അവതരണത്തിൽ നിന്നു വ്യത്യസ്ഥമായി ഒരു  അധ്യായങ്ങളും ഉപാധ്യായങ്ങളുമൊക്കെയായി ഒരു പുസ്തകരൂപത്തിലാണ് രാഗമാലിക രൂപം കൊള്ളുന്നത്.നിങ്ങളുടെ അഭിപ്രായങ്ങളും നിര്‍ദ്ദേശങ്ങളും വിമര്‍ശനങ്ങളും ഒക്കെ സ്വാഗതം ചെയ്യുന്നു.

പ്രിയരേ,
ശാസ്ത്രീയമായി സംഗീതത്തെ നിരീക്ഷിക്കുന്ന,രാഗങ്ങളുടെ അറിവുകളിലൂടെ സൂക്ഷ്മമായ സംഗീതജ്ഞാനത്തിലേക്കു വഴി തുറക്കുന്ന ഒരു പംക്തി “രാഗമാലിക“ എന്ന പേരിൽ ആരംഭിക്കുകയാണ്.അതിനു പ്രാ‍രംഭമായി,സംഗീതത്തിന്റെ ശാസ്ത്രീയഘടകങ്ങളിലേക്കുള്ള ഒരു ചവിട്ടുപടിയെന്ന നിലയിൽ, ശാസ്ത്രീയസംഗീതത്തിൽ ഉപയോഗിക്കപ്പെടുന്ന സാങ്കേതികസംജ്ഞകളെ കഴിയുന്നത്ര ലളിതമായും ചുരുക്കിയും ഒന്നു പരിചയപ്പെടുത്തുകയാണ്.തുടർന്ന്,സംഗീതത്തെ വ്യവച്ഛേദിച്ചു മനസ്സിലാക്കുവാൻ ശ്രമിക്കുന്നവർക്ക് ഇതു സഹായകമാകുമെന്നു കരുതുന്നു.

സംഗീതം

ഹൃദയാവർജ്ജകമായ ശബ്ദങ്ങളെ അടിസ്ഥാനപ്പെടുത്തിയുള്ള ലളിതകലയാണ് ഇവിടെ സംഗീതം എന്ന വാക്കു കൊണ്ടു വിവക്ഷിക്കുന്നത്.സുശ്രാവ്യങ്ങളായ ശബ്ദസമൂഹങ്ങളെക്കൊണ്ട് ഹൃദയത്തിൽ ഉൽകൃഷ്ടവികാരങ്ങളുളവാക്കി ആനന്ദം ജനിപ്പിക്കുകയാണ് സംഗീതം ചെയ്യുന്നത്.‌“പശുർവേത്തി ശിശുർവേത്തി വേത്തി ഗാനരസം ഫണീ” (മൃഗവും ശിശുവും സർപ്പവും സംഗീതമാസ്വദിക്കുന്നു)  എന്നു നാം പണ്ടേ കരുതിപ്പോന്നു.സർവ്വാശ്ലേഷിയായ കലയാണ് സംഗീതം.ഗാന്ധർവ്വമെന്ന പേരിൽ ഒരു ഉപവേദമായി സംഗീതത്തെയും നാം സ്വീകരിച്ചിട്ടുണ്ട്.

വികടശിരോമണിയുടെ ഈ ലേഖനം ഇവിടെ തുടർന്നു വായിക്കുക.

മായാമാളവ ഗൗള

72 മേളകർത്താരാഗങ്ങളിൽ 15-ആമത്തെ മേളകർത്താരാഗമാണ്  മായാമാളവ ഗൗള.
 കർണ്ണാടക സംഗീതവിദ്യാർത്ഥികൾ ഒരുപാട്കാലമായി പ്രാഥമിക സംഗീതപഠനം നടത്തുന്നത്‌ മായാമാളവഗൗള എന്ന രാഗത്തിലൂടെയാണ്. പുരന്ദരദാസരുടെ കാലത്താണ് ഈ രാഗം പ്രാഥമിക സംഗീതപഠനത്തിന് അടിസ്ഥാനരാഗമായി അംഗീകരിക്കപ്പെട്ടത്. ശുദ്ധസ്വരങ്ങൾ മാത്രമുള്ള ഒരു രാഗമായതിനാലും, പുരന്ദര ദാസരുടെ കാലത്ത് പ്രാമുഖ്യം ഉണ്ടായിരുന്ന കൃതികളിൽ ഈ രാഗവും, അതിന്റെ ജന്യ രാഗങ്ങളും ധാരാളമായി ഉപയോഗിച്ചിരുന്നതും എല്ലാം ഇതിനു കാരണമായിരിക്കാം. ഈ രാഗത്തിൽ അചലസ്വരങ്ങളും, ഗമകസ്വരങ്ങളും, ജണ്ടധാട്ടു പ്രയോഗങ്ങളും നിഷ്പ്രയാസം പ്രകടിപ്പിക്കാൻ കഴിയുമെന്നുള്ളതു കൊണ്ടുമാണ് ഇത് അടിസ്ഥാനരാഗമായി ഉപയോഗിച്ചു വരുന്നതെന്നു ദക്ഷിണേന്ത്യൻ സംഗീതമെന്ന പുസ്തകത്തിൽ എ.കെ രവീന്ദ്രനാഥ് സൂചിപ്പിക്കുന്നു. മേള കർത്താപദ്ധതി നിലവിൽ വരുന്നതിന്നു മുൻപ് ഈ രാഗം  'മാളവ ഗൗള' എന്ന പേരിലാണ് അറിയപ്പെട്ടിരുന്നത്. പിന്നെ കടപയാദി സൂത്രമനുസരിച്ച് ക്രമസംഖ്യാ നിർണ്ണയത്തിനു വേണ്ടി 'മാ', 'യാ' എന്ന രണ്ടക്ഷരങ്ങൾ കൂട്ടിചേർത്തതോടെ ഈ രാഗം "മായാ മാളവ ഗൗള" എന്നറിയപ്പെടാൻ തുടങ്ങി.

ആരോഹണം: സ രി ഗ മ പ ധ നി സ
അവരോഹണം:സ നി ധ പ മ ഗ രി സ
സ്വരസ്ഥാനങ്ങൾ:

ഷഡ്ജം, ശുദ്ധരിഷഭം, അന്തരഗാന്ധാരം,ശുദ്ധമദ്ധ്യമം, പഞ്ചമം, ശുദ്ധധൈവതം,കാകലിനിഷാദം.

ഈ രാഗത്തിൽ വരുന്ന സിനിമാ ഗാനങ്ങൾ

1.ഒരു ചിരികണ്ടാൽ കണി കണ്ടാൽ (പൊൻ‌മുടിപ്പുഴയോരത്ത് )
2.പവനരച്ചെഴുതുന്ന കോലങ്ങളെന്നും (വിയറ്റ്നാം കോളനി)
3.ഗണപതിയേ ശരണം (ആനക്കളരി)
4.കേണുമയങ്ങിയൊരെൻ പൈതലേ (കല്ലു കൊണ്ടൊരു പെണ്ണ്)
5.രാജമാതംഗി പാർവ്വതി  (ഭരതം)
6.കുയില പുടിച്ച്കൂട്ടിലടച്ച്  (ചിന്നതമ്പി) 

സോയാ സുനിൽ അവതരിപ്പിക്കുന്ന ഈ രാഗപരിചയം ഇവിടെ തുടർന്നു വായിക്കുക

MSL-ക്വിസ് - എപ്പിസോഡ്#3

പ്രിയരേ.. ക്വിസിന്റെ മൂന്നാം എപ്പിസോഡ് ഇവിടെ ആരംഭിക്കുകയാണ്.

മുൻപ് അറിയിച്ചിട്ടുള്ള പൊതുവായ നിർദ്ദേശങ്ങൾക്ക് പുറമേയുള്ള മാർഗ്ഗനിർദ്ദേശങ്ങൾ താഴെപ്പറയുന്നു.

1.ഇന്ത്യൻ സമയമാണ് മത്സരത്തിന്റെ പൊതുവായി ടൈം സോൺ ആയി കണക്കാക്കുന്നത്.

2.സൂചനകൾ വ്യാഴം(12/11/2009‌) രാത്രി 9.30 മണിക്ക് പ്രത്യക്ഷപ്പെടുന്നതായിരിക്കും.ഈ സമയത്തിനു മുൻപേ ലഭിക്കുന്ന ഉത്തരങ്ങൾക്ക് ഫുൾ മാർക്ക് കണക്കാക്കപ്പെടും.

3.വെള്ളി(13/11/2009) രാത്രി 9.30 മണി വരെ ഉത്തരങ്ങൾ രേഖപ്പെടുത്താം.9.30 മണിയോടെ കമന്റ് ക്ലോസ് ചെയ്യുന്നതാണ്.ഉടൻ തന്നെ ഉത്തരങ്ങൾ പബ്ലീഷ് ചെയ്യുന്നതാണ്.

4.സൂചനകൾക്ക് മുമ്പ് ഉത്തരങ്ങൾ മാറ്റിയെഴുതുവാൻ പാടുള്ളതല്ല.അതായത് ഉത്തരങ്ങൾ മാറ്റിയെഴുതുവാൻ ഉള്ള ചാൻസ് സൂചനകൾക്ക് ശേഷം മാത്രം.എന്നാൽ ഒന്നോ രണ്ടോ ഉത്തരങ്ങൾ അപ്പപ്പോൾ കമന്റായി ഇടാവുന്നതാണ്.

5.ഉത്തരങ്ങളുമായി ബന്ധപ്പെടുത്താതെ എന്നാൽ ക്വിസിന്റെ സംശയങ്ങളും കമന്റായിത്തന്നെ അറിയിക്കാം.

ചോദ്യങ്ങൾ

1. “എങ്ങിനേ നീ മറക്കും…’ എന്ന നീലക്കുയിലിലെ പാട്ടും ലെസ്ലി ആൻഡ്രൂസ് എന്നൊരാളും തമ്മിൽ എന്തു ബന്ധം?
സൂചന: മതം മാറി
ഉത്തരം : ലെസ്ലി ആൻഡ്രൂസ് മതം മാറി അബ്ദുൾ ഖാദർ ആയി പാടി.
സിംഗപ്പൂർ വച്ച് അബ്ദുൽ ഖാദർ ആയി മതം മാറുകയാണുണ്ടായത്. വിവാഹം കഴിച്ചത് സിനിമാ-നാടക നടിയായ ശാന്താദേവിയെ. (ഈയിടെ കേരള കഫേയിൽ ശാന്താദേവി അഭിനയിച്ചിട്ടുണ്ട്). മകൻ മാസ്റ്റർ സത്യജിത്ത് ബാലനടനായി അഭിനയിച്ചിട്ടുണ്ട്. സത്യ്ജിത്തിന്റെ ജ്യേഷ്ഠൻ പാട്ടുകാരനാണ്. സത്യജിത്തിനു സിനിമയിൽ പിടിച്ചുനിൽക്കാനായില്ല. 


2. ഈ ഹിന്ദി സിനിമാപ്പാട്ടിന്റെ അവതരണത്തിൽ പ്രശസ്തരായ അഞ്ചു മലയാളികൾക്ക് പങ്കുണ്ട്. ഏതു പാട്ട്?
സൂചന: ഷൈനി അഹൂജ,സാബു സിറിൾ

ഉത്തരം : “മെരേ ഢോൽ നാ  എന്ന ഗാനം” ചിത്രം-ഭൂൽ ഭുലൈയ്യ.
സാബു സിറിൾ നിർമ്മിച്ച രാജസദസ്സിൽ എം. ജി. ശ്രീകുമാർ (ശ്രേയാ ഘോഷാലിനൊപ്പം) പാടിയ പാട്ടിനു വിദ്യാ ബാലനും വിനീതും നൃത്തം ചെയ്തത് പ്രിയദർശൻ സംവിധാനം ചെയ്തു.എഡിറ്ററായ എൻ. ഗോപാലകൃഷ്ണന അടക്കം ആറു പേര്. പ്രിയദർശന്റെ ഹിന്ദി സിനിമകൾ പലതും മലയാളികളുടെ കൂട്ടായ്മയിലാണ് പിറവിയെടുക്കാറുള്ളതെങ്കിലും ഈ പാട്ടു മാത്രമാണ് മലയാളികൾ (വിനീത്, വിദ്യാ ബാലൻ) സ്ക്രീനിൽ അവതരിപ്പിച്ചത്.

3.പ്രശസ്ത അക്കോർഡിയൻ വായനക്കാരനായ ഇദ്ദേഹം പിന്നീട് സംഗീതസംവിധായകനായി മാറി. ആരാണത്?
സൂചന: എം.എസ്.വിശ്വനാഥൻ,കെ.വി.മഹാദേവൻ എന്നിവരുടെയൊക്കെ ഓർക്കസ്‌ട്രയിലെ മികച്ചപ്രകടനം.

 ഉത്തരം : കെ. ജെ. ജോയ്.

തെന്നിന്ത്യയിലെ ചുരുക്കം അക്കോർഡിയൻ പ്രഗൽഭരിലൊരാണ് കെ. ജെ. ജോയ്. പല പ്രസിദ്ധ ഹിന്ദിപ്പാട്ടുകൾക്കും അക്കോർഡിയൻ വായിച്ചിട്ടുണ്ട്. സംഗീതസംവിധാനത്തിലേക്കു തിരിഞ്ഞത് പിന്നീട്.

4.സാധാരണ താരാട്ടു പാട്ടുകൾ അമ്മ കുഞ്ഞിനെ ഉറക്കുന്ന രീതിയിലുള്ളവയാണ്.ചിലപ്പോൾ അമ്മയും അച്ഛനും കൂടെ കുഞ്ഞിനെ ഉറക്കാൻ താരാട്ടു പാടും (“കണ്ണും പൂട്ടിയുറങ്ങുക നീയെൻ”).എന്നാൽ അച്ഛനെ ഉറക്കാൻ മകൻ പാടുന്ന ഒരു താരാട്ടുണ്ട്. ഏതാണത്?
സൂചന: എം.കെ.അർജ്ജുനൻ സംഗീതം.പാട്ട് കെ.ജെ.യേശുദാസും പി.സുശീലയും വെവ്വേറെ പാടുന്നു.
ഉത്തരം : രാരിരം പാടുന്നു രാക്കിളികൾ
താളത്തിലാടുന്നു തളിർ ലതകൾ
ഈണത്തിലൊഴുകുന്നു പൂന്തെന്നൽ
ഇനിയുമെന്നച്ഛനുറങ്ങുകില്ലെ
പി. സുശീല, ചിത്രം അഷ്ടമി രോഹിണി, സംഗീതം എം. കെ. അർജ്ജുനൻ.അച്ഛൻ മകനെ ഉറക്കുന്നത് യേശുദാസ് പാടുന്നു. മകൻ അഛനെ ഉറക്കുന്നത് പി. സുശീലയും.
“കണ്ണിൻ മണികളാം മുല്ലകളെ
“വെണ്ണിലാവമ്മയുറക്കി
വിണ്ണിൻ മുറ്റത്തെ മേഘവിരികളിൽ
ഉണ്ണികൾ താരങ്ങളുറങ്ങി
അച്ഛനുറങ്ങാതിരിക്കാം
കൊച്ചു കൺപീലികൾ മൂടൂ...”
എന്ന് അച്ഛനും

“കണ്ണിൻ മണികളാം മുല്ലകൾ പാടീ
വെണ്ണിലാവമ്മയുറങ്ങി
കൊച്ചു നക്ഷത്രങ്ങൾ താലോലം പാടി
അച്ഛനാം അമ്പിളിയുറങ്ങി
കണ്ണനുറങ്ങാതിരിയ്ക്കാം
കണ്ണന്റെ പൊന്നച്ഛനുറങ്ങൂ...”
എന്നു മകനും പാടുന്നു


5.“സിനിമയിൽ പാടാൻ വന്നു, ആദ്യകാലത്ത് പല സിനിമകളിലും പാടി...പിന്നെ മലയാളത്തിലെ പ്രശസ്ത അഭിനേതാവായി മാറി,ആരാണിത്”
സൂചന:ദേവാസുരത്തിൽ ഉണ്ട്.

 ഉത്തരം :ജോസ് പ്രകാശ്
പാട്ടുകാരനായ ജോസ് പ്രകാശിനെയാണ് സിനിമാലോകം ആദ്യം കണ്ടത്. “ശരിയൊ തെറ്റോ”, വിശപ്പിന്റെ വിളി” സിനിമകളിലൊക്കെ പാടിക്കഴിഞ്ഞാണ് അഭിനയത്തിലേക്കു തിരിയുന്നത്.കൃഷ്ണചന്ദ്രൻ സംഗീതത്തിൽ ബിരുദവുമായാണ് സിനിമയിൽ എത്തിയതെങ്കിലും ആദ്യം അഭിനയത്തിലാണു തുടക്കം. പിന്നീട് അഭിനയവും പാട്ടും തുടർന്നു.

6.ഈ പാട്ട് തുടങ്ങുന്നത് അതിന്റെ ഒരു ചരണത്തിലാണ്.പല്ലവി ആയി ആവർത്തിയ്ക്കുന്നത് പിന്നീടു വരികയാണ്.ആദ്യം വന്ന ചരണം പിന്നീട് ആവർത്തിയ്ക്കുന്നുമുണ്ട്.ഏതു പാട്ട്?
സൂചന: ദേവൻ-ഹരിഹരൻ

ഉത്തരം :“ആത്മാവിൽ മുട്ടി വിളിച്ചതു പോലെ” പിന്നെയും ചരണമായി വരുന്നു. “കണ്ണിൽ പൂങ്കവിളിൽ തൊട്ട്……’ പല്ലവി ആയി ആവർത്തിയ്ക്കുന്നു. “താഴമ്പൂക്കാറ്റു തലോടിയ പോലെ...എന്ന ചരണത്തിന്റെ അതേ കമ്പൊസിങ്ങും ഓർക്കെസ്ട്രേഷനും തന്നെ ഇതിനും. “കണ്ണിൽ പൂങ്കവിളിൽ....” നു ചരണങ്ങളിൽ നിന്നും വ്യത്യസ്ഥമായി ട്യൂൺ ഇട്ടിരിയ്ക്കുന്നു. പല്ലവി യുടെ പതിവനുസരിച്ച് രണ്ടു തവണ ആവർത്തിയ്ക്കുന്നു.
ഹിന്ദി സിനിമാപ്പാട്ടിൽ ഈ രീതി പ്രചാരമുള്ളതാണ്. പല്ലവി തന്നെ വേറേ വാക്കുകളുപയൊഗിച്ച് ആവർത്തിക്കാറുമുണ്ട്. “മലർക്കൊടി പോലെ....’ എന്നപാട്ടിൽ ചരണം കഴിഞ്ഞ് ശേഷം "മധുകണം പോലെ മഞ്ഞിന്മണി പോലെ...എന്നാണു പല്ലവി. രണ്ടാം ചരണം കഴിഞ്ഞ് “മധുസ്വരം പോലെ മണിസ്വനം പോലെ“ എന്നാണു പല്ലവി. അവസാനം മാത്രമേ “മലർക്കൊടി പോലെ...” എന്ന ആദ്യപല്ലവി ആവർത്തിയ്ക്കുന്നുള്ളു. “അമ്പിളീ നിന്നെപ്പുൽകീ...” അനുപല്ലവി എന്ന നിയുക്തസ്ഥനത്തു നിന്നും മാറി മറ്റൊരു പല്ലവിയുടെ തന്നെ സാന്നിദ്ധ്യം കൈവരിയ്ക്കുന്നുണ്ട്. സലിൽ ചൌധരി ഇത്തരം സങ്കീർണ്ണശിൽ‌പ്പങ്ങൽ ഉണ്ടാക്കി എടുക്കുന്നതിൽ പ്രഗൽഭനാണ്. പാകീസ യിലെ “ചൽ തേ ചൽ തേ..” ഇതുപോലെ പല്ലവി മാറ്റിയെടുക്കുന്ന ഒരു ഉദാഹരണം.

കുമാറിനോട് :-
“പനിമതി മുഖി ബാലേ....” അനുപല്ലവി ആണ്. ചരണം അല്ല. “മനസി ദുസ്സഹമയ്യൊ..” പല്ലവി. അനുപല്ലവിയിൽ പാടിത്തുടങ്ങുന്നത് പതിവാണ്. ചരണങ്ങൾ “ലോക വാസികൾക്കെല്ലാം....”ഇന്നു വരുമെൻ കാന്തൻ...” ബാണത്രയത്താൽ തന്നെ...” ഒക്കെയാണ്.
“മോക്ഷമുഗലദാ....” (ത്യാഗരാജകൃതി) ചിലപ്പോൾ ചരണത്തിൽ നിന്നും തുടങ്ങാറുണ്ട് ചിലർ. “സാക്ഷാൽക്കാര..” എന്ന്.

7. ഇതാര്?

സൂചന:വയലാർ ഗർജ്ജിക്കുന്നു
ഉത്തരം : പി. ഭാസ്കരനും ഭാര്യയും.


8. ഏതു പാട്ടിന്റെ റെക്കോർഡിങ്?

സൂചന: ചെണ്ട
ഉത്തരം : “പൊലിയോ പൊലി …….” ചിത്രം: പല്ലാവൂർ ദേവനാരായണൻ
രവീന്ദ്രൻ മമ്മുട്ടിയെക്കൊണ്ട് വേറൊന്നും പാടിച്ചിട്ടുണ്ട്. “മഴയെത്തും മുൻപേ” ഇൽ ഒരു
Rap song ന്റെ ഭാഗം.

9. സാക്സോഫോൺ ധാരാളം ഉപയോഗിച്ചിട്ടുള്ള ഒരു മലയാളസിനിമാഗാനം?
സൂചന: വിദ്യാസാഗർ,യേശുദാസ്,സുജാത

ഉത്തരം : എന്നേ മറന്നോ പൊന്നേ…..ചിത്രം:എഴുപുന്ന തരകൻ. യേശുദാസ്. സുജാത. സംഗീതം=വിദ്യാസാഗർ. “ആ രാഗം…“(ക്ഷണക്കത്ത്) ഇലും സാക്സോഫോൺ ഉണ്ട്. പക്ഷെ ഇത്രയും ഇല്ല.  ആ ഉത്തരത്തിനു പകുതി മാർക്ക്.സാക്സോഫോൺ വളരെക്കുറച്ചേ മലയാളസിനിമാഗാനങ്ങളിൽ ഉപയോഗിച്ചിട്ടുള്ളു. ഏറ്റവും സമർത്ഥമായും പ്രകടമായും ഇത് “എന്നേ മറന്നോ പൊന്നെ” യിൽ തന്നെ (‘മിന്നും നിലാത്തിങ്കളായ്‘ ആദ്യപകുതി ഇതിന്റെ കോപ്പി). കീ ബോർഡല്ലാതെ യഥാർത്ഥ ഉപകരണം തന്നെയാണ് ഈ പാട്ടിൽ. ഒരു ജുഗൽബന്ദി എഫെക്റ്റ് വരെ ഉണ്ടാക്കി എടുത്തിട്ടുണ്ട് ഇവിടെ. അവിടവിടെ സ്വൽ‌പ്പം ഫ്ലൂട് കടന്നുവരുന്നതൊഴിച്ചാൽ സാക്സോഫോൺ തന്നെ പ്രമുഖ വാദ്യം. ഖരഹരപ്രിയ രാഗത്തിന്റെ സഞ്ചാരങ്ങളിൽ ഒഴുകി നീങ്ങുന്ന സാക്സോഫോൺ നാദത്തിനു ചുറ്റും പടർത്തി എടുത്ത വോക്കൽ എന്നു വേണമെങ്കിൽ പറയാം. “ആ രാഗം..“(ക്ഷണക്കത്ത്)ഇൽ സാക്സോഫോൺ നിബന്ധിച്ച് കമ്പോസ് ചെയ്യാനുള്ള ശ്രമം കാണാം.
‘നിർണ്ണയം’ സിനിമയിലെ “കുറിയങ്കം..” സാക്സോഫോൺ പാട്ടിൽ ചേർത്തിട്ടില്ല. പാട്ടു തുറ്റങ്ങുന്നതിനു മുൻപ് അതുമായി ബന്ധമില്ലാതെ ഒരു ചെറിയ പ്രകടനം എന്നെ പറയാവൂ. ‘നിറ’ ത്തിലെ ‘മിന്നിത്തെന്നും’ ഇൽ ഇതുപോലെ ആ‍്ദ്യം സാക്സോഫോൺ എന്നു തോന്നിപ്പിയ്ക്കുന്ന ഒരു ബിറ്റ് കേൾക്കാം. അത് 10 സെക്കൻഡ് മാത്രം. കീബോർഡ് പ്രയോഗമായിരുന്നിരിയ്ക്കാം, തെളിച്ചമില്ലാതെ പോയി.
“ധാരാളം” എന്ന് ചോദ്യത്തിലുണ്ട് എന്നതു ശ്രദ്ധിയ്ക്കുക.

10. ഈ പാട്ടുകൾ ഏതൊക്കെ? ചരണത്തിനു മുമ്പ് വരുന്ന ഓർക്കസ്ട്രേഷൻ ബിറ്റുകളാണിത്.
1.
ഡൗൺലോഡ് ഇവിടെ
സൂചന: കുട്ടിക്കഥ വരുന്ന പാട്ട്
ഉത്തരം : ഒരുനാൾ വിശന്നേറെ…

2.
ഡൗൺലോഡ് ഇവിടെ
സൂചന: മഞ്ജു വാര്യർ
ഉത്തരം : ഒരു രാത്രി കൂടെ വിട വാങ്ങവേ…



11.ബോണസ് ചോദ്യം (പകുതി ഉത്തരങ്ങൾ പരിഗണിക്കുന്നതല്ല,നാല് ചോദ്യങ്ങൾക്കും ഉത്തരം ശരിയാക്കണം)


a.ഏതു ചിത്രത്തിന്റെ ലൊക്കേഷൻ? മറഞ്ഞ സംവിധായകൻ ആര്?

സൂചന: സുകുമാരിയേയും മുറിച്ചുമാറ്റിയിട്ടുണ്ട്.
ഉത്തരം :  പ്രേം പൂജാരി. ഹരിഹരൻ
.കുഞ്ചാക്കോ ബോബനും വിനീതും ഒന്നിയ്ക്കുന്ന മഴവില്ല് ആണോ എന്നു സംശയം ജനിപ്പിയ്ക്കാൻ സുകുമാ‍രിയുടെ ഭാഗം മാറ്റി. അതുപോലെ ശാലിനിയുടേയും.

b.ആരാണിത്?

ഡൗൺലോഡ് ഇവിടെ
സൂചന: “കണ്ടുകണ്ടങ്ങിരിക്കും ജനങ്ങളെ” പാടിയിട്ടുണ്ട്

ഉത്തരം : എം എസ് സുബ്ബലക്ഷ്മി
സുബ്ബലക്ഷ്മി പാടി അഭിനയിച്ച ‘മീര“ “ശകുന്തള’ ഒക്കെ വൻ ഹിറ്റ് സിനിമകളായിരുന്നു. ‘മീര’യിലെ “കാറ്റിനിലെ വരും ഗീതം” ആണു ഈ ക്ലിപ്പിൽ. സിനിമാ അഭിനയത്തിൽ നിന്നും കുറേ നാൾ വിട്ടു നിന്നിരുന്നു, രാജഗോപാലാചാരിയുടെ അഭിപ്രായപ്രകാരം. അതു കഴിഞ്ഞാണ് കച്ചേരിയുമായി,പാട്ടുകാരി മാത്രമായി രംഗപ്രവേശം. പണ്ടിറങ്ങിയ ഒരു ആൽബത്തിൽ “കണ്ടുകണ്ടങ്ങിരിക്കും ജനങ്ങളെ“ (ജ്ഞാനപ്പാന, പൂന്താനം) പാടിയിട്ടുണ്ട്. ബാഗെശ്രീ രാഗത്തിൽ ചിട്ടപ്പെടുത്തിയ ഈ ഗാനം മലയാളികളല്ലാത്തവർക്കിടയിലും പ്രസിദ്ധമായി.

c.ഏതുപാട്ട്?



ഡൗൺലോഡ് ഇവിടെ
സൂചന: ഉണ്ണിമേനോൻ

ഉത്തരം ;  ചിന്നക്കുട്ടീ ഉറങ്ങീലേ/ഇണക്കിളീ….ചിത്രം ഒരു നോക്കു കാണാൻ

d.സത്യനും നസീറുമാണ് ഈ ചിത്രത്തിൽ.ചോദ്യം ഏതു സിനിമ,ഇവരുടെ കഥാപാത്രങ്ങളുടെ പേരെന്ത്.

സൂചന: തകഴി
ഉത്തരം :  അനുഭവങ്ങൾ പാളിച്ചകൾ. സത്യൻ=ചെല്ലപ്പൻ, പ്രേം നസീർ=ഗോപാലൻ

MSL-ക്വിസ് - എപ്പിസോഡ്#2

പ്രിയരേ,മലയാളനാടിന്റെ സ്വാതന്ത്ര്യത്തിനു വേണ്ടി ആത്മാഹുതി ചെയ്തവരെ ഇന്ന്, സമസ്തകേരളത്തിന്റെ പിറവി ദിവസം അനുസ്മരിച്ചു കൊണ്ട്  വിനോദവും വിജ്ഞാനവും കൈകോർക്കുന്ന MSL Quiz ന്റെ രണ്ടാം എപ്പിസോഡ് ഇവിടെ ആരംഭിക്കുകയാണ്.

മുൻപ് അറിയിച്ചിട്ടുള്ള പൊതുവായ നിർദ്ദേശങ്ങൾക്ക് പുറമേയുള്ള മാർഗ്ഗനിർദ്ദേശങ്ങൾ താഴെപ്പറയുന്നു.

1.ഇന്ത്യൻ സമയമാണ് മത്സരത്തിന്റെ പൊതുവായി ടൈം സോൺ ആയി കണക്കാക്കുന്നത്.

2.സൂചനകൾ തിങ്കളാഴ്ച്ച(2/11/2009‌) രാത്രി 9.30 മണിക്ക് പ്രത്യക്ഷപ്പെടുന്നതായിരിക്കും.ഈ സമയത്തിനു മുൻപേ ലഭിക്കുന്ന ഉത്തരങ്ങൾക്ക് ഫുൾ മാർക്ക് കണക്കാക്കപ്പെടും.

3.ചൊവ്വാഴ്ച്ച (3/11/2009) രാത്രി 9.30 മണി വരെ ഉത്തരങ്ങൾ രേഖപ്പെടുത്താം.9.30 മണിയോടെ കമന്റ് ക്ലോസ് ചെയ്യുന്നതാണ്.11മണിയോടു കൂടി മത്സരഫലത്തിന്റെ സ്കോർഷീറ്റ് പബ്ലീഷ് ചെയ്യുന്നതാണ്.

4.സൂചനകൾക്ക് മുമ്പ് ഉത്തരങ്ങൾ മാറ്റിയെഴുതുവാൻ പാടുള്ളതല്ല.അതായത് ഉത്തരങ്ങൾ മാറ്റിയെഴുതുവാൻ ഉള്ള ചാൻസ് സൂചനകൾക്ക് ശേഷം മാത്രം.എന്നാൽ ഒന്നോ രണ്ടോ ഉത്തരങ്ങൾ അപ്പപ്പോൾ കമന്റായി ഇടാവുന്നതാണ്.

5.ഉത്തരങ്ങളുമായി ബന്ധപ്പെടുത്താതെ എന്നാൽ ക്വിസിന്റെ സംശയങ്ങളും കമന്റായിത്തന്നെ അറിയിക്കാം.

ചോദ്യങ്ങൾ താഴെപ്പറയുന്നു.

1.ഈ ചിത്രത്തിലെ പശ്ചാത്തലസംഗീതമൊരുക്കുന്നതിൽ വിദേശികളായ വലിയ ഓർക്കെസ്ട്രേഷൻ സംഘം പങ്കെടുത്തിട്ടുണ്ട്. ഏതു മലയാള ചിത്രം?
ക്ലൂ : ഇളയരാജ

ഉത്തരം : കേരളവർമ്മ പഴശ്ശീരാജ
പഴശ്ശിരാജയിലാണ് ഓർക്കസ്ട്രേഷനു വളരെ വലിയ വിദേശസംഘത്തെ ഉപയോഗിച്ചിട്ടുള്ളത്. നൂറോളം വരുന്ന ഹംഗേറ്രിയൻ സിമ്ഫണി ഓർക്കെസ്ട്ര സംഘം. ഗുരുവിലും കാലാപാനിയിലും ഇളയരാജാ ചെറിയ സംഘങ്ങളെ ഉൾപ്പെടുത്തിയിട്ടുണ്ട് എന്നതു ശരി തന്നെ. ആകാശഗോപുരം മുഴുവൻ ജോൺ അൽറ്റ്മാൻ ചെയ്തതാണ്. മലയാള സിനിമയിലെ പാശ്ചാത്തലസംഗീത നിർവ്വചനത്തിൽ ഇതു പെടുന്നെന്ന കാര്യം സംശയമാണ്. എന്നാലും ഗുരു, കാലാപാനി, ആകാശഗോപുരം എന്ന് ഉത്തരം പറഞ്ഞവർക്ക് പകുതി മാർക്ക് കൊടുക്കുന്നു.

2.ചില കർണ്ണാടക സംഗീത കീർത്തനങ്ങളുടെ പല്ലവികൾ അതേ പടിയോ അതിനു വളരെ സമാനമായോ മലയാളസിനിമാഗാനമായി ചിട്ടപ്പെടുത്തിയിട്ടുണ്ട്. താഴെപ്പറയുന്ന കീർത്തനങ്ങൾ ഏതൊക്കെ ഗാനങ്ങളായി? ( ഒരോന്നിനും ഒരോ മാർക്കാണ് )

1. ഭാഗ്യദാ ലക്ഷ്മീ ബാരമ്മാ (ക്ലൂ ഇവിടെ )
2. ശ്രീചക്രരാജസിംഹാസനേശ്വരീ (ക്ലൂ ഇവിടെ )
3. കൃഷ്ണാ നീ ബേഗനേ ബാരോ (ക്ലൂ ഇവിടെ )
4. ഹിമഗിരി തനയേ ഹേമലതേ ( ക്ലൂ ഇവിടെ)
5. മാനസസഞ്ചരരേ ( ക്ലൂ ഇവിടെ)

ഉത്തരങ്ങൾ
ഭാഗ്യാദാ ലക്ഷ്മീ ബാരമ്മാ-വണ്ണാത്തിപ്പുഴയുടെ തീരത്ത്
ഹിമഗിരി തനയേ ഹേമലതേ-എന്തിനു വേറൊരു സൂര്യോദയം
മാനസ സഞ്ചരരേ-ആത്മവിദ്യാലയമേ
കൃഷ്ണാ നീ ബേഗനേ ബാരോ-ആകാശത്താമര പോലെ
ശ്രീചക്രരാജസിംഹാസനേശ്വരീ-സൂര്യകിരീടം വീണുടഞ്ഞു 
“കൃഷ്ണാ നീ ബേഗനേ ബാരോ” യ്ക്ക് അതു തന്നെ ഉത്തരമായി കൊടുത്തവരുണ്ട്. “കീർത്തനങ്ങൾ ഏതൊക്കെ ഗാനങ്ങളായി” എന്നാണു ചോദ്യം. “അതേ പടിയോ” എന്നു ചോദ്യത്തിൽ കാണുന്നത് അക്ഷരക്രമങ്ങളും ശാസ്ത്രീയകീർത്തനത്തെ പിന്തുടരുമ്പോഴാണ്. “ആത്മവിദ്യാ‍ലയമേ” ഉദാഹരണം. 

3.ഈ വീഡിയൊ ശകലത്തിലെ ഗാനവും ഒരു മലയാളം ബ്ലോഗറുമായി എന്തു ബന്ധം? 

ക്ലൂ :- “ ഉത്തമ പുരുഷൻ കഥ പറയുമ്പോൾ ” എന്ന കവിതാസമാഹാരം
ഉത്തരം : എഴുത്തുകാരനും ബ്ലോഗറുമായ മനോജ് കുറൂർ
വീഡിയോ ശകലത്തിലെ ഗാനവും ബ്ലോഗറുമായി എന്തു ബന്ധം എന്നാണു ചോദ്യം. പലരും ആ രംഗം എന്ന് മാറിച്ചിന്തിച്ചെന്നു തോന്നുന്നു. ആ സിനിമ മുഴുവനും യു ട്യൂബിൽ ഉണ്ട്. ടൈറ്റിൽ പേജ് ഒന്നു നോക്കിയാൽ മതിയായിരുന്നു. വ്യക്തമായി ആ ഗാനത്തിന്റെ ആദ്യ വരിയും മനോജ് കുറൂർ എന്നും എഴുതിയിട്ടുണ്ട്. വീഡിയൊ ക്ലിപ് ഇട്ടത് ആ സിനിമയിലേക്ക് വിരൽ ചൂണ്ടാനാണ്. 



4.ശരിയോ തെറ്റോ? എന്തുകൊണ്ട്? ( ഒരോന്നിനും ഒരോ മാർക്കാണ് )

A. മുരളി ആദ്യം അഭിനയിച്ച സിനിമ പഞ്ചാഗ്നി ആണ്.
B. “ഇല്ലിമുളം കാടുകളിൽ ലല്ലലലം പാടിവരും തെന്നലേ തെന്നലേ...

 അല്ലിമലർക്കാടുകളിൽ വല്ലികളിലൂയലാടും തെന്നലേ തെന്നലേ”
C.എം. ബി ശ്രീനിവാസൻ  മലയാളസിനിമയിൽ പാട്ടുപാടിയിട്ടില്ല.
D.ഒരു പാട്ടിൽത്തന്നെ  യേശുദാസും പി. സുശീലയും ചിത്രയും പാടിയ ഒരു സിനിമാഗാനമുണ്ട്..

E. ശ്രേയാ ഘോഷാൽ മലയാളസിനിമയിൽ ആദ്യം പാടിയത് ‘ബനാറസ്”‘ എന്ന ചിത്രത്തിലാണ്.

ഉത്തരങ്ങൾ

A.തെറ്റ്. ഞാറ്റടി ആണ് മുരളി ആദ്യം അഭിനയിച്ച ചിത്രം.മുരളിയുടെ ഞാറ്റടി പുറത്തിറങ്ങിയില്ല. ചിദംബരത്തിലും പഞ്ചാഗ്നിയിലും ഏകദേശം ഒരുമിച്ച് അഭിനയിച്ചു. ആദ്യം പുറത്തിറങ്ങിയത് പഞ്ചാഗ്നി ആണ്.. ഞാറ്റടി തന്നെ ആദ്യം അഭിനയിച്ച ചിത്രം.
B. തെറ്റ്.  “അല്ലിമലർക്കാവുകളിൽ വള്ളികളിൽ” എന്നാണ് ശരി.അതു പോലെ . “ഇല്ലി മുളം കാടുകളിൽ…” ചില തെറ്റിദ്ധാരണകൾ വിടാതെ പിൻതുടരുന്ന പാട്ടാണിത്. പ്രാസം ഒപ്പിയ്ക്കാൻ വേണ്ടി “അല്ലിമലർക്കാടുകളിൽ ‘ എന്നു പാടുന്നതു കേട്ടിട്ടുണ്ട്. മറ്റൊരു പ്രശ്നം “ഇല്ലി” ആണോ “ചില്ലി” ആണോ എന്നതാണ്. “ചില്ലി” എന്നാണ് ഒ. എൻ. വി. ഗാനസമാഹരത്തിൽ പോലും. പലടത്തും അച്ചടിച്ചിട്ടുള്ളതും നെറ്റിൽ ചിലടത്തും “ചില്ലി” എന്നു കാണാം. പക്ഷെ ശരി “ഇല്ലി” എന്നാണ്. വികടൻ നേരേ ഒ. എൻ. വി. യെ വിളിച്ചു. അദ്ദേഹത്തിന്റെ സ്വരത്തിൽ തന്നെ കേൾക്കാനായി : “ഇല്ലി” തന്നെ ശരി.
C.  തെറ്റ്.  കരളിന്റെ കരളിലെ (സ്വർഗ്ഗരാജ്യം)  സ്വപ്നങ്ങൾ സ്വപ്നങ്ങളേ (കാവ്യമേള) എന്ന പാട്ടിൽ “ഞാനറിയാതെന്റെ മാനസ ജാലക വാതിൽ …” എന്നതും പാടിയിട്ടുണ്ട്.
. എം. ബി. ശ്രീനിവാസൻ എന്നത് പലരും പി. ബി. ശ്രീനിവാസ് എന്നു തെറ്റിദ്ധരിച്ചിട്ടുണ്ട്.
ഇവർ രണ്ടു പേരും പാടുന്നതു കാണണോ? ഇവിടെ നോക്കുക.
 
D. ശരി. “ആലാപനം തേടും തായ് മനം.” (എന്റെ സൂര്യപുത്രിയ്ക്ക്)
E. തെറ്റ്. ശ്രേയാ ഘോഷാൽ ആദ്യം മലയാളസിനിമയിൽ പാടിയത് ബിഗ് ബി എന്ന സിനിമയിലാണ്.

5.അടൂർ ഭവാനിയും അടൂർ പങ്കജവും ഒരു സിനിമയിൽ ചേടത്തിയും അനുജത്തിയും ആയിത്തന്നെ അഭിനയിച്ചിട്ടുണ്ട്. ചിത്രം ഏത്?
ക്ലൂ : സംവിധാനം - ജയരാജ്
ഉത്തരം : കുടുംബസമേതം. നായകന്റെ ചിറ്റമ്മമാരായി. ഒന്നിച്ചു നടക്കുന്ന, അവിവാഹിതരായ സഹോദരികളായി.

6. ഈ പഴയ ചിത്രത്തിലെ പെൺകുട്ടികൾ  പിൽക്കാലത്ത് വൻ താരങ്ങളായി മാറി.ആരാണിവർ? 
ക്ലൂ : ഒരാൾ ഇന്ന് ജീവിച്ചിരിപ്പില്ല.
ഉത്തരം : രാഗിണി,സുകുമാരി.സുകുമാരിയുടെ വളരെ അപൂർവ്വമായ ഫോട്ടോ ആണത്. അവരുടെ “രാഗിണിയക്കൻ” പുറകിൽ.

7. ഒരു പാട്ടിന്റെ  പല്ലവിയിൽ വരുന്ന ബാക് ഗ്രൌണ്ട് മ്യൂസിക് ആണിത്. ഏതുപാട്ടിന്റെ അകമ്പടി ?  

ക്ലൂ : ഇവിടെയുണ്ട്
ഉത്തരം : പവിത്രത്തിലെ ശ്രീരാഗമോ എന്ന ഗാനം.ശ്രീരാ‍ഗമോ...യുടെ തുടക്കം ഓർക്കെസ്ട്ര വിശേഷപ്പെട്ടതാണ്. പല്ലവിയുടെ ആലാപനത്തിനു ഹാർമണൈസിങ്ങ് ചമയ്ക്കുന്നു ആ വീണയും ഫ്ലൂടുമൊക്കെ. പല്ലവിയ്ക്കു ശേഷമുള്ള വാദ്യവൃന്ദക്കലവികളും-‘പക്കാലാ..’ എന്നവസാനിയ്ക്കുന്നത്- അസാധാരണം. ആ ഭാഗം ചോദ്യത്തിലുൾപ്പെടുത്താൻ പ്ലാനുണ്ടായിരുന്നു. എളുപ്പം കണ്ടുപിടിയ്ക്കപ്പെടുമെന്നതിനാൽ മാറ്റി.

8. വാസ്തുഹാര, ഒരു വടക്കൻ വീരഗാഥ, പുലിജന്മം, തിരക്കഥ എന്നീ സിനിമകളിൽ അഭിനയിച്ച നടൻ  ആര്? സംസ്ഥാന അവാർഡും നേടിയിട്ടുണ്ട്.

ക്ലൂ : ദേവദൂതൻ എന്ന ചിത്രത്തിൽ വലിയ വേഷം ചെയ്തു.
ഉത്തരം : വിനീത് കുമാർ.വാസ്തുഹാര, ഒരു വടക്കൻ വീരഗാഥ, പുലിജന്മം, തിരക്കഥ എന്നീ സിനിമകളിൽ അഭിനയിച്ച വിനീത് കുമാർ ഒരു വടക്കൻ വീരഗാഥയിൽ ബാലനടനായി അഭിനയിച്ചതിനു സംസ്ഥാന അവാർഡ് നേടിയിട്ടുണ്ട്.



9. മൂന്നു ഗാനരചയിതാക്കൾ, അഞ്ചോളം പ്രശസ്ത പാട്ടുകാർ,  സംഘഗാനങ്ങളിൽ അതിന്റെ പ്രത്യേകതയ്ക്കൊപ്പിച്ച് പാടാൻ കഴിയുന്ന പ്രഗൽഭർ.ഈ ചിത്രത്തിലെ ഏതെങ്കിലും രണ്ടു ഗാനങ്ങളുടെ ആദ്യ വരി എഴുതുക.
ക്ലൂ : നാടൻ പാട്ട് കലാകാരൻ കുട്ടപ്പനും പാടിയിട്ടുണ്ട്.
ഉത്തരം :ചിത്രം: പഴശ്ശിരാജാ. ഒ. എൻ. വി. കുറുപ്പ്, ഗിരീഷ് പുത്തഞ്ചേരി, കാനേഷ് പൂനൂര് എന്നിവർ ഗാ‍നരചയിതാക്കൾ.  യേശുദാസ്, ചിത്ര, ഇളയരാജാ, എം. ജി. ശ്രീകുമാർ, വിധു പ്രതാപ്, സംഗീത ഇവരൊക്കെ പാടി. സംഘഗാനങ്ങളിൽ അവ്യ്ക്കു യോജിച്ച പാട്ടുകാർ. മാപ്പിളപ്പാട്ടു പാടാൻ  പ്രൊഫഷണൽ പാട്ടുകാരായ അഷ്രഫ് തായിനേരി, എടവണ്ണ ഗഫൂർ, റഫീക്ക് ഉപ്പള, ഫൈസൽ എളേറ്റിൽ, കൃഷ്ണനുണ്ണി എന്നിവർ. “അമ്പും കൊമ്പും” എന്ന നാടൻ പാട്ടിൽ അതിൽ നിപുണനായ കുട്ടപ്പനും മറ്റു നാടൻ പാട്ടുകാരുമുണ്ട്.
പാട്ടുകൾ :-1.അമ്പും കൊമ്പും കൊമ്പൻ കാറ്റും
2.ആലമടങ്കലമൈത്തവനല്ലേ
3.ആദിയുഷസ്സന്ധ്യ പൂത്തതിവിടെ
4.കുന്നത്തെക്കൊന്നയ്ക്കും പൊന്മോതിരം


10.രണ്ടു വീഡിയോ ക്ലിപ്പുകൾ കൊടുത്തിരിയ്ക്കുന്നു. പാട്ടും സിനിമയും കണ്ടെത്തുക.

ഒന്നാം ക്ലിപ്പ് : ( അഞ്ച് മാർക്ക് ) ക്ലൂ : സംവിധാനം സിബി മലയിൽ
ഉത്തരം : ഒരു പൂവിരിയുന്ന സുഖമറിഞ്ഞു.ചിത്രം: വിചാരണ.
ശോഭന ഒരുപാട് ഒരുപാട് സിനിമകളിൽ നൃത്തം ചെയ്തിട്ടുള്ളത് നമ്മൾ കണ്ടിട്ടുള്ളതാണ്. അതുകൊണ്ട് അവരുടെ ഒരു നൃത്തരംഗം ഏതാണെന്നു കണ്ടു പിടിയ്ക്കൽ എളുപ്പമല്ല. രണ്ടാമത്തെ ക്ലിപ്പിൽ ജയറാമിന്റെ ഒരു ഷോട് ഒരു ക്ലു ആ‍യി ഇട്ടതാണ്. അതു വേണ്ടെന്നായിരുന്നു ഞങ്ങളുടെ ആദ്യ തീരുമാനം. പക്ഷെ ഈ ക്ലു വഴി ‘മാനസനിളയിൽ’ എന്നു പിടി കിട്ടി സന്തോഷിച്ചവരെ പ്രയാസമുള്ള ആദ്യത്തെ ക്ലിപ്പിനെക്കുറിച്ച് തലപുകയ്ക്കാൻ പ്രേരിപ്പിക്കുകയായിരുന്നു ഉദ്ദേശം. അതുകൊണ്ട് രണ്ടാം ക്ലിപ്പിനു മാർക്കു കുറച്ചു. ആദ്യ ക്ലിപ്പിലെ അവസാനം ശോഭനയുടെ ചുണ്ടുകളുടെ വിന്യാസം ശ്രദ്ധിച്ചാൽ “എല്ലാം എല്ലാം ഞാനറിഞ്ഞു” എന്നാണെന്നു കാണാം. അതും ആദ്യം വിട്ടുകളഞ്ഞിട്ട് പിന്നെ ചേർത്തതാണ്.

രണ്ടാം ക്ലിപ്പ് : ( മൂന്നു മാർക്ക് ) ക്ലൂ : ഊമയായ നായിക
ഉത്തരം : മാ‍നസനിളയിൽ എന്ന ഗാനം : ചിത്രം ധ്വനി 

11. ബോണസ് ചോദ്യം

A) 1 ൽ നിന്നും   അനുയോജ്യമായതു  2 യിൽ നിന്നും തെരഞ്ഞെടുക്കുക:

ചേരും പടി ചേർക്കുകയാണു വേണ്ടതെങ്കിലും ഇത് ഒരു  Jigsaw  puzzle പോലെയാണ്. പലതിനും ഒന്നിലധികം ചേർച്ചകൾ തോന്നുമെങ്കിലും  അതിൽ ഒന്നുമാത്രം ചേർന്നാലേ പസിൽ പൂർണ്ണമാകുകയുള്ളു. മമ്മുട്ടി-പഴശ്ശിരാജാ  എന്നൊക്കെ യുക്തിസഹമായി ചേർത്തെഴുതാമെങ്കിലും അങ്ങനെ ചെയ്യുമ്പോൾ മറ്റു പലതും മിച്ചം വരുകയോ ചിലതിനു ചേർച്ചയുള്ള വാക്ക് ഇല്ലാതെ വരികയും ചെയ്യും.  ഒന്നും മിച്ചം വരാതെ പൂർണ്ണമാക്കുക.

(ശ്രദ്ധിയ്ക്കുക: പഴശ്ശിരാജാ-പഴശ്ശിരാജാ എന്നത് ഒരു ശരി ഉത്തരമല്ല)

    1                                                2

പിയാനോ                                  കയ്യൊപ്പ്

തമിഴ് സിനിമയിൽ തുടക്കം            ഗോപാലൻ

ദിലീപ്                                     വരാഗൈ നദിക്കരയോരം

റഹ് മാൻ                                 ദേവാനന്ദ്

ആർ. കെ ശേഖർ                       വഹീദ റഹ് മാൻ

ഗൈഡ്                                    പഴശ്ശിരാജാ

തലത്ത് മെഹ് മൂദ്                      കൂടെവിടെ

മമ്മുട്ടി                                     എ. ആർ റഹ് മാൻ

പഴശ്ശിരാജാ                             തേരിറങ്ങും മുകിലേ

ശരിയായ ഉത്തരം

പിയാനോ-----തേരിറങ്ങും മുകിലേ
തമിഴ് സിനിമയിൽ തുടക്കം----വഹീദ റഹ് മാൻ
ദിലീപ്----എ. ആർ. റഹ് മാൻ
റഹ് മാൻ-----വരാഗൈ നദിക്കരെയോരം
ആർ. കെ. ശേഖർ----പഴശ്ശിരാജാ
ഗൈഡ്----ദേവാനന്ദ്
തലത് മെഹ് മൂദ്-------കയ്യൊപ്പ്
മമ്മുട്ടി------കൂടെവിടെ
പഴശ്ശിരാജാ-----ഗോപാലൻ.

ആഴമുള്ള അറിവുള്ളവർക്കു മാത്രം (‘നെറ്റിൽ തപ്പാൻ മിടുക്കുള്ളവർക്ക്’ എന്നു വേണോ പറയാൻ?) അല്ലാതെ സാമാന്യജ്ഞാനമുള്ളവർക്ക് സാമർത്ഥ്യം കൊണ്ട് ഉത്തരം കണ്ടെത്താവുന്ന ചോദ്യമായിരുന്നു. ഇത്. ഒന്നിനോടു ചേരുന്ന മൂന്നു ജോടി വരെ കാണാമെങ്കിലും ചില സൂക്ഷ്മതകൾ കൊണ്ട് ഏറ്റവും അനുയോജ്യമായത് കണ്ടു പിടിയ്ക്കാൻ പറ്റും. ‘തലത് മെഹ് മൂദ്’ നോടു യോജിയ്ക്കുന്ന ഒന്നും, ‘കയ്യൊപ്പ്’ അല്ലാതെ മറ്റെ വിഭാഗത്തിൽ ഇല്ല. (‘ദേവാനന്ദ്‘ എന്നെഴുതിയ വിരുതന്മാരും ഉണ്ട്). ഒരു ഹിന്ദി പാട്ട് അതേ പടി മലയാളം സിനിമയിൽ ചേർത്തത് ആദ്യമായി കയ്യൊപ്പിലാണ്. അതും പ്രസിദ്ധമായ “ജൽതെ ഹൈ ജിസ് കേലിയേ…” വൻ സംഭവം തന്നെ ഇത്. ഈ ചേർച്ച കണ്ടു പിടിച്ച് തുടങ്ങിയാൽ ബാക്കി ഒക്കെ യഥാസ്ഥാനങ്ങളിൽ വച്ച് പസിൽ പണിഞ്ഞെടുക്കാൻ എളുപ്പമാകും. വഹീദ റഹ്മാനോട് ‘ഗൈഡ്‘ ചേരും, പക്ഷെ അപ്പുറത്ത് ദേവാനന്ദ് തനിച്ചാവും. റഹ് മാനു ‘കൂടെവിടെ’ കൊടുത്താൽ “വരാഗൈ… പാടാൻ ആരുമില്ലാതാവും. പിയാനോ എറ്റവും കൂടുതലായും സമർത്ഥവുമായി ഉപയോഗിച്ചിടുണ്ട് “തേരിറങ്ങും മുകിലേ’ എന്ന പാട്ടിൽ. ദിലീപ് പാടുന്ന പാട്ട് എന്നതിനേക്കാൾ ഈ പ്രത്യേകതയാണ് അതിന്റെ വിശേഷം. (പൂവുകൾക്ക് പുണ്യകാലം, മായാജാലക വാതിൽ തുറക്കും ഒക്കെ പിയാനോ നന്നായി ഉപയോഗിച്ച് കമ്പോസ് ചെയ്ത ഗാനങ്ങൾ)
പല കട്ടകൾ വരച്ച് അതിൽ വാക്കുകളെഴുതി ഒരു നിശ്ചിത പാറ്റേൺ ഉണ്ടാക്കിയെടുക്കുന്ന തരത്തിൽ ചോദ്യം രൂപീകരിയ്ക്കാനായിരുന്നു ആദ്യ പ്ലാൻ. പണി നടന്നില്ല.
ഇതിനു ശരിയുത്തരം നൽകിയവർക്ക് ഞങ്ങളുടെ പ്രത്യേക അഭിനന്ദനങ്ങൾ. 

12.ബോണസ് ചോദ്യം ( പകുതി ഉത്തരങ്ങൾ പരിഗണിക്കുന്നതല്ല )

 രണ്ടു സിനിമകളിലെ സംഭാഷണം കൊടുത്തിരിക്കുന്നു.

ഒന്നാം ക്ലിപ്പ് :  (ഒരാൾ ഡബ്ബിംഗ് ചെയ്തിട്ടുണ്ട്.മറ്റേ ആളുടെ ശബ്ദവും ചിത്രവും കണ്ടെത്തുക.)
ക്ലൂ : കവിയൂർ പൊന്നമ്മ
ഉത്തരം : ശ്രീവിദ്യ,ചിത്രം : തിങ്കളാഴ്ച്ച ഒരു നല്ല ദിവസം.അമ്മകേന്ദ്രീകൃതമായ ചുരുക്കം സിനിമകളിലൊന്നാണ് ‘’തിങ്കളാഴ്ച്ച നല്ല ദിവസം’. അതിലെ ശ്രീവിദ്യ കഥാപാത്രത്തിന്റെ ഈ ഭാഷണശകലം സിനിമ ഉയർത്തുന്ന ചോദ്യം തന്നെയാണ്.

രണ്ടാം ക്ലിപ്പ് : ( ഈ ശബ്ദം ആ‍രുടേതാണെന്ന് പറയുക.ഏത് ചിത്രമെന്നും.)
ക്ലൂ : നെടുമുടി വേണു
ഉത്തരം : ഭരത് ഗോപി.    ചിത്രം: കള്ളൻ പവിത്രൻ.ഒരാൾ കള്ളനാവുന്നതിന്റെ ചില പശ്ച്ചാത്തലങ്ങൾ. സിനിമയിലെ ഒരു പ്രധാന ഡയലോഗ്.

സ്കോർ ഷീറ്റ് ഇവിടെ കൊടുത്തിട്ടുണ്ട്. ദയവായി തിരുത്തുകളോ മാറ്റങ്ങളോ ഉണ്ടെങ്കിൽ അറിയിക്കുക. ആദ്യ ക്വിസിന്റെ സ്കോർ ഉൾപ്പടെ മാറ്റങ്ങളോടെയുള്ള പുതുക്കിയ ഫൈനൽ സ്കോർ ഷീറ്റ് വെള്ളിയാഴ്ച്ച പബ്ലീഷ് ചെയ്യാമെന്ന് കരുതുന്നു.